2020年1月6日星期一

期權、正股走位方法之一 - 1044 恒安國際


1044 恒安國際

以上是上星期四,1 月 2 號 1044 恒安國際的日線股價圖,當日的股價高低是 55.05-57.40,早上升到高位後便一直跌到收市。以技術分析來説,已經連跌多日,今日反彈即被沽,所以短期有再下跌風險。

組合持有 1 手股票,是 9 月份 SP 到期在 $55.0 接了 1 注,之後股價跌到 50 元以下然後在 11 月份升上 55 元以上,但隨後又跌返落 50 元之下。今次股價升到 58 元又徐徐下跌了多日,以我哋散戶思維,係收市前一刻會怎樣想呢?

散戶思維當然是返家鄉就走人,因為之前一次返到家鄉沒有走,如果今次又唔走,明日再跌就要輸錢,更加唔會走,之後可能是永不翻身。又或者今次沽了貨,怎知原來股價只是回一回調,之後就一飛沖天,沽升淚。相信好多散戶都有咁嘅經驗,唔走嘅貨繼續跌,走咗嘅貨就繼續升,咁會唔會有其他更好嘅選擇?


如果股票有期權,通常教期權策略啲人會教做 Short Call,例如 SC 12 月行使價 $62.5 收期權金大約 $3.40,如果股價升上去,即是賺 $10.9 (19.8%)。而如果股價在這段期間下跌,收哂期權金,成本便下降至 $51.6。

但我當天的做法是沽出正股,然後 SP 12 月行使價 $55.0 收期權金 $6.70。即是用一年時間,如果股價升上去,收哂期權金,就只賺 $6.70 (12.0%)。而如果股價在這段期間下跌,SP 被行使要接貨,成本便下降至 $48.3。

以上兩個做法有什麼分別?

  1. 如果股價升上去,SC 當然會賺多一些,這看似是應該的、也是大部份人的選擇,因為買股票都是想升,不過如果股票不升呢?大多數人都太高估了自己的眼光,以為買入的股票一定會升。
  2. 就算股價真是上升,如果有做過 SC 經驗的人都知道,當股價升破 $62.5 的時候,你會乖乖的等結算交貨嗎?還是會搬倉,或再加上 Long Call 對沖,加了 LC 之後又怕短暫回調然後又再加 LP 成鐵三角等,名字就好聽但真有用嗎?我曾見坊間有人教用 6 隻腳做組合,講到是不敗組合,但做做下,跟本分不清當中相關關係,亂哂籠,唔知點拆倉,只係比差價已經注定輸了 9 成,但其怪越複雜啲策略,啲人好似覺得越勁,反而更加多人相信。
  3. 反之選擇 SP 的好處是簡單,沽了正股才開新倉,組合始終只是一個倉位,簡單易明。
  4. 還有 margin 的問題,揸正股 SC 所用的 margin 比沽了正股揸 SP 多很多,即是可持有更多 SP 倉位,回報會更高。
  5. 如果股價上升,SP 回報好像只有 12%,但不用真金白銀揸正股,一年有 12% 回報還不滿足嗎?如果以用了$4230 margin 計算,回報達 80%。
  6. 還有資金配置,遠、近期權交換策略,不過比較覆雜,有機會再説明。
  7. 組合是以 short 期權作現金流的做法,揸正股通常是暫時持有,例如在股息分派前,其餘時間可以的都盡量用 SP 代替。
  8. 有很多人覺得期權很複雜,其實只是教的人嘅問題,要持續賺錢,越簡單的策略越有效。

1044 恒安國際

看看這兩日的走勢,股價真的再下跌,當然 SP 是暫時虧損,但要記住投資不是入市後馬上賺錢才是正確,持續長期可以賺錢的方法才是應該去追求。

(權益披露: 筆者於執筆時持有上述股票相關權益,但不排除隨時減持)

10 則留言:

  1. 期待遠、近期權交換策略

    回覆刪除
    回覆
    1. 其實也不是什麼特別策略,只是沒有了接貨的一注,轉了遠權,等股價跌勢回順,可以開近權博接貨。如果繼續持有一注,資金或不容許再開近權接貨。

      刪除
  2. 第一次來到這𥚃,多謝無忌兄分享期權投資心得。

    回覆刪除
    回覆
    1. 期權千變萬化,大家交流下。

      刪除
    2. 小弟現正研習期权, 也是第一次來到這𥚃, 謝謝無忌兄的無私分享。

      刪除
    3. 歡迎斗滿兄,大家交流下。

      刪除
  3. 多謝教學呢。12月時手上的匯豐都面對呢個問題,結果我係開SC 由得佢地被call 走算數。而家諗緊開返SP...

    我每次睇期權教學,見到果堆策略就會諗:兩邊要有滑價,究竟開呢D 有保險的倉埋單時可以賺幾多。不如簡簡單單,想收貨就SP,有貨就SC 就算了(最多同時開兩邊,當然風險自負)。

    回覆刪除
    回覆
    1. 也不是什麼教學,SC 最煩 call 得走就未必好,call 唔走可能又舐嘢。

      因為教學啲人多數用收市理論值計數,所以啲策略好似 work,其實得淡笑,市場根本做唔到嗰個價。但啲大師只講普通 LP,LC,SC,SP 又唔夠勁,其實用簡單策略長期賺到錢先至勁。

      刪除
  4. 如果中間被行使會怎處理? 應該會是大跌市, 離行使價很遠...

    回覆刪除
    回覆
    1. 處理方法有好多種,之前有幾篇文章有講過怎麼樣處理,可以找一找。

      刪除