看見敏俊兄 2019 年回報有 66.3% 追夢與投資 2019 年港股回報 ，再看看自已組合雖然博懵計算也有 67.4% 回報，但突然間有種食雞糊跟食三辣嘅感覺。敏俊兄組合只靠兩隻股票，一年只 trade 幾次就撐起成頭家，而我就眠乾睡濕揼石仔咁一年做了 154 個 trade 才有咁嘅成績，諗起都覺得羞家😓。以上純粹講笑希望敏俊兄不要介意。
無論組合回報是由密食當三番，還是一鋪三辣定輸嬴，其實至勝關鍵不是在於選股，而是敏俊兄文章提及的: 「 贏輸的機會率不重要，而是輸的時候，你會輸多少百分比；贏的時候，你會得到多少回報。」。即是如果贏了一百鋪雞糊，但係輸返幾鋪三辣，到尾都係輸，反之贏了一鋪三辣，但輸返一百鋪雞糊，結果也是輸。所以多數人會定下止蝕位，但係止蝕一去冇回頭。所以除了止蝕，入市位、分注、資金管理、走位也是贏多多，輸少少的關鍵。
除了嬴輸比率，還有一點比較少人探討的是投資者的性格。時常聽到性格決定命運，但其實性格也是決定投資方向或操作。簡單來説有一些人性格喜歡食三辣，而且有能力，有耐性等待，如果要這些人日日食雞糊，可能會不斷犯錯。相對要一些沒有耐性的人去等待未知的將來回報，可能未等到已經放棄了。所以投資方法沒有對與錯，不一定價值投資就要長揸，短炒就十惡不赦，最重要是方法是否適合自己，長期是否可以帶來穩定回報？
因此正所謂有頭髮邊個想做瘌痢，自己知自己事，係我漫長的投資路程，不嬲選股都係麻麻地，而我又有選擇困難症。又或者咁講市場上好股不難分辨，但要選中今年會升的股票，運氣成份更大。而且當資金越多，組合便要分散投資在不同板塊，通常倉內股票一年下來有升有跌，除了是雞犬皆升的年份，拉混其實每年回報不會太好。
咁有什麼辨法去解決這個問題？之後我發現基金經理例如黃x英等 (包括巴菲特也是) 除了揸正股，還做了很多對沖、短炒、衍生工具等交易去增加回報，所以就開始了對外匯、期貨、期指、期權的學習，而經過不斷交學費、反覆嘗試和實驗，慢慢就發展出一套適合自己和其他人不同的投資操作方法。
不過從現在的組合投資操作，好明顯其他人不會有興趣，因為大多數人也是想食三辣，對於細眉細眼嘅嘢唔會有咩興趣，總之就係唔 sexy，冇 talking point。不過如果一年過去三辣又食唔到，但又嫌食雞糊濕碎，噉就真係食穀種。
當投資的時候，除了擇選股票，投資者又有沒有審視一下自己嘅性格，究竟適合於哪一種投資方式或操作，而不會行太多冤枉路。
除左投資者既性格, 仲有投資者本身條件或知識限制, 好多樣野都係相連.
回覆刪除好似我咁, 有時差既差距, 平時也不可能放太多心力在一個交易頻密的交易模式, 所以選擇一個交易次數比較少, 需要多一些時間與耐性去等待回報既投資模式, 比較合適我, 同埋人人性格都唔同呢.
揼石仔都冇咩問題, 合適自己, 仲得到一個可觀回報便ok了.
無忌兄上年個回報都勁! 題外話, 無忌兄沒有興趣借貸買債收債息? 好多blogger都咁做, 而且做得好成功.
其實回報沒有表面中好，下篇文章再分折。
刪除有興趣買債收息，學習中，雖然好多blogger都咁做，不過問題是找不到有一個人長期買債有正回報 10% 以上，所以還是懷疑中。
每個人的性格，學識，背景，收入，負擔。。。都不一樣。照搬人地投資嗰一套黎用真係凶多吉少。
回覆刪除如果照搬人地個套係得嘅都好啲，最弊人哋嗰套係吹水、冇實際戰績，就信以為真，唔死有鬼。
刪除投資係孤獨的, 每個人都需要付出時間金錢去學習和實踐至可以摸索出適合自己既投資方法.
回覆刪除真係好孤獨，我跟啲朋友、親戚講，冇人知我講咩。
刪除食雞糊／三辣的天份也不是從天而降的，無忌兄努力嘗試和交學費，令人敬仰。
回覆刪除亦感謝無忌兄的提醒，很同意確價值投資不是絕對的，性格急燥經常trade來trade去坐唔定，又或者選股前懶做功課，選錯股坐幾耐都無用，值得所有人反思。
都係大家分享下，只是總見到有些人説投資好容易，長揸唔使理或什麼懶系，如果相信，幾年後投資得個吉，白白浪費了寶貴的青春，所以就講啲真實情況。以前老豆教落唔辛苦點得世界財，而家啲人就教不努而獲，坐係到收錢，真係世界變。
刪除只要持續有落場打牌，雞糊食得幾多都好，總有一鋪三辣畀你食得出嘅。
回覆刪除Anson 兄説出了重心，食雞糊只是權宜之計，最中當然都係想食三辣。
刪除