恆生指數 2021 年波幅預計分析

第一次寫恆指波幅 恆生指數高低重要嗎？ 之後跌了千幾點才見底，上年寫 恆生指數 2020 年波幅預計分析 就跌了五千幾點先見底，呢個 topic 係唔係好唔老嚟？寫親都跌，又或者我係燈神？

一年過去，上一篇所寫基本上錯哂，雖然恆指全年波幅 8035 點跟恆指歷史數據差不多，但走勢當然錯到離哂譜。上落 8000 點係大波幅，不過去年不是單邊市，而是上落市，歷年之中是比較特別的一年。

 

 

今年一開波跟去年一樣又是升，低位 27079 點，暫時高位 31183 點，兩個月已經有 4000 幾點波幅，跟去年起步位差不多，咁會唔會跟去年一樣之後跌到仆街？

如果以美國佬放水，正常應該升穿之前高位 33484 點，而且人民幣也持續強勢，有利企業盈利，不過港股不嬲都唔正常，要升唔升，唔要升就升。

上次也講過一開波 1 月就是全年低位其實很少，近年只有 2017 試過，但 2017 年是慢牛，花了差不多 6 個月才升了 4000 點，但今次升得太急，不是好事。那麼會否像 2019 年是細波幅上落市？

但以成交看，近期成交大增，所以偏向今年也有 8000 點大波幅，如果低位已見，上望 35079 點，如果高位已見，下望 23183 點，兩個也是令人望而生畏的數字。

 

HSI 月線圖

以技術分析看，連續 2 個月上影線好長，之前 10 年也很少有這樣走勢，短期沽壓不輕，問題是今次又是直插冇水花，定回調之後像 2017 年有力再升。

不過去年指數升幅全靠科技股，又其是 0700 騰訊，其他傳統指數成份股還只是在低位徘徊，如果香港大部份人注射了疫苗，可以跟中國通關，這些股票股價回復正常，指數升破歷史高位不是沒有可能。

還有近年恆指很少連續兩年陰燭，去年收 27231 點，即是只要不跌穿這個位，升市是看高一線。不過不排除先跌到 23000-25000 點然後年尾先升返也是會做成陽燭。

還有今次升到三萬點都冇咩聽到人講 gogogo，又股神、又預測五六萬點呢啲新聞，咁今次會唔會好啲呢？

不過暫時有一點不變，25000 點還是恆指的中軸，即 25000 點以下可以考慮買入，25000 點以上接近 30000 點應該是賣出時機。不過看圖如果今次可以上破歷史高位，有趨勢之後幾年中軸會上移至 28000 點。

所以今次除非回調低過或接近 25000 點，應該全年也是繼續輕倉加短抄應戰，睇下年尾最後走勢又會唔會大跌眼鏡。