有很多 blogger 也回顧 2019 年 blog 內的熱門文章，雖然本 blog 閲讀人數不是太多，但在 2019 年也發現了一個有趣現像。
blog 內文章 2019 年大慨可以分做四種：
- 公司業績分析文章
- 短篇文章、投資理念之類
- 每月組合回顧
- 組合操作文章，還可以細分為股票或期權
大家估下那一些文章最多人看那一些最少？
答案由多至少次序係
- 每月組合回顧
- 短篇文章、投資理念之類
- 組合操作文章股票
- 組合操作文章期權
- 公司業績分析文章
這個結果是否應該是預料之內，但其實一開始寫文章係希望公司業績分析文章最多人看，因為筆者覺得研究業績係最有用，而且要花最多時間寫，反而每月組合回顧係最容易寫，因為只是一個紀錄，不用花時間思考、研究。
taichen4487兄 最近有篇 文章 寫係標題寫上股票號碼就會多人睇，但本 blog 的情況正好相反，標題用股票號碼反而少人睇，標題唔知寫咩反而多人睇。
不過最奇怪是組合操作文章也不太受歡迎，反而短篇文章更多人看，這就完全體現了香港的快餐文化，只要結果、號碼，不需要知道過程。
當然結果是有些失望，因為會影響寫業績文章的動力。
還有想讀者留意所寫業績文章、短篇評論個股等文章跟組合操作的差異。這就是理論與實際的分別，也是作為分析員跟操盤員的分別。所以好似黃x英講過，看好或看差其實不必太認真。
而且希望讀者明白寫 blog 其實只是一個實驗或是把模糊的慨念有系統地記錄，但當慨念變成實際可行方法，就沒有需要再寫下去。
2020 年希望有動力寫下去，但都係會偏重投資組合，因為筆者覺得如果實際回報不好，寫咩也只是廢話，只是浪費了大家時間。不過當組合 run 順咗，可能也是沒有什麼可寫😅。
我發覺寫分析熱門股如領展就會多人睇(最好計埋個合理價)，其他股就要寫操作先多人睇。其他文章就要睇下有幾具體、真實地描述自己。
回覆刪除係呀，我初時也試下寫啲熱門股，係多人睇啲。不過例如寫領展都是照實講佢租金升幅放緩，但留言有啲就好似踩親佢條尾，所以都唔想再寫。有貨就咩嘢都看好，怎可以架。又睇到啲人話佢買入澳洲資産又話利好，得四厘又幾好，係噉意 search 下就知道喺澳洲物業嚟計呢個回報唔算好，不過都費時寫了。
刪除反正我都唔鍾意熱門股，二八定律，唔明的都係唔明。
有些文章點擊率高，就是因為含金量少，題材較為貼地容易回應，而回應了的人，也會回看無忌兄的回覆。我喜歡看業績研究，但由於沒有研究就沒有話權，通常看了一遍之後就沒再回看了。建議無忌兄切勿別學那些開班blogger一樣，以點擊率論英雄，好文章未必有幾多知音人，但總有伯樂會欣賞。
回覆刪除道真兄放心，好同意你的觀點，我又知自己的表達能力一般，其他人未必明我寫咩，所以不會理會點擊率，以上文章都係見其他人寫，我又寫下。
刪除正如以上所講寫文其實比自己睇多過比人睇，當有些分析或操作歸納了論點，跟著就瀨寫了。
看看那些轉 youtube 嘅 blogger，就知邊個重視點擊率。
寫個股業績真係最花時間, 但最少人睇. 呢類文其實唔係寫比其他人睇, 而係自己整理自己既分析思維.
回覆刪除寫一大堆似是而非既理念, 什麼價值投資其實很簡單, 咩都唔洗學, 呢類雞精文章一定係最多人睇, 人人都想不勞而穫, 躺著搵錢.
我睇其他blogger, 最中意睇佢地對成個組合既操作思維. 個股的話, 除非係自己都有研究開既股, 否則, 真的很難插咀.
看來大家面對的群組都是差不多😅
刪除我都喜歡睇其他blogger成個組合既操作思維,因為好多時會睇到自己既操作有咩想漏了,然後加以改善。
刪除我都鍾意，實戰比什麼文章更有用，就算操作未必適合自己。
刪除無忌兄，
回覆刪除股票號碼其實都幾重要，還記得第一篇看你的文章就是1882 海天國際。當時我在Google找 "1882 海天國際 blogspot"，第一篇就是你的文章。亦因此認識了你和追看你以前寫過的投資心法。
http://tradenotaboo.blogspot.com/search/label/%E5%80%8B%E8%82%A1%E5%88%86%E6%9E%90-1882%20%E6%B5%B7%E5%A4%A9%E5%9C%8B%E9%9A%9B
股票號碼當然重要，我都周圍抄冧巴😅，所以現在多數文章也會加返股票號碼。
刪除無忌哥，我係你忠實粉絲，每一篇都有追看。特別喜歡看業績分析，令我自己閱讀年報時可更輕鬆掌握重點。另外，我亦受你的期櫂操作/儲蓄資產的文章啟發，於去年中開始期櫂操作了，有點茅塞頓開的感覺，謝謝你！最後，祝你鼠年身體健康，事事順利，財源廣進！
回覆刪除謝謝你支持，希望文章可以幫到你。
刪除今年應該最重要是大家身體健康。