2022年12月1日星期四

2022 年 11 月份交易回顧

大市經過了 4 個月的下跌,11 月份恆生指數終於迎來了一個大反彈,11 月份波幅有 3786 點,完全收復了 10 月份的跌幅,又返返去大約 18000 點徘徊。組合又經歷過山車,雖然大幅反彈,但還是重傷中,YTD 由最差 -50% 上升返到大約 -14%,今年負回報應該是沒有懸念😭。

過去的已經過去,重要的是怎樣災後重建,躺平了兩個月之後,今個月襯反彈就把手上平手或有盈利的倉位大幅平掉。原因不是看好、看差後市的問題,而是操作上需要這樣做。有很多人做期權都忽略了操作的重要性,以為好似書本(神棍) 教授,有錢就 SP,接了貨就 SC 就會賺到錢。現實上要賺錢當然是困難百倍,長期可以係股市賺錢的更是寥寥可數。

以期權 SP 為例,沒有足夠資金做 SP,長期輸面是 100%。自以為有足夠資金接貨,就事無忌憚咁做 SP,其實長期輸面也是 100%。點解嘅🤔?書本(神棍) 唔係咁講㗎🤔?原因是我們沒有考慮過當做 SP 時,對家是什麼人?而為何對家會做 LP 跟自己相反🤔?

大家有沒有經驗,通常 SP 接貨都唔會係低位比你接到?當你以為有一隻心儀的股票到達某一價位,你覺得做 SP 接貨也沒所謂,但最後真的比你接到,你又會很後悔😖。因為當你接貨的時候,現價已經比你的接貨價低了很多、很多。今次跌市隨隨便便也可以找到無數例子,例如 0700 騰訊上升到 $700 幾時,當時有啲人就諗如果跌到 $500、$400 就會同佢死過。最後在 $400 接到貨的人當然非常後悔,因為 0700 之後係跌到 $198.6 🙄。還有 9988 阿里巴巴、3690 美團等、美股有 TSLA、NVDA 等等一大堆......。只要你人生之中求其中一件,大大鑊接了十手百手,基本上以前 SP 賺了多少,一次過就會嘔凸返晒😭。好彩就吸取教訓,幾年後追返,但更多是嚇怕了,以後也不再掂期權。

以上事實帶出了散戶的幾個問題:
  • 第一是對自己太有信心,無論對股票的價值、前景、走勢、升跌等,都以為自己一定是對的,以為自己可以打敗市場。
  • 第二是不理解市場運作,正如以上說為何對手的做法和自己相反?你睇升,但大戶睇跌喎🤔!其實只表示你對市場走勢,一無所知。
  • 第三是太容易受市場、傳媒資訊影響,其實第一點的信心爆棚就係咁樣得返嚟。相信大部份人也不會有內幕消息,好多人天真地認為做了功課就天下無敵,其實只係睇咗幾份報紙或者 blog,就信以為真,最後係比人洗了腦也不自知🥱。
  • 永遠要記住二八理論,如果沒有自己一套與人不同的心得及操作手法,要贏過市場上其他人,基本上是沒有可能。
 
3 月份的跌市,以及這幾個月的跌市,是做期權 SP 的人最寶貴的經驗,過得到這兩種跌市,基本上已經沒有不可以應對的市況。3 月份跌市是一跌到尾然後反彈;這幾個月的跌市是慢慢跌,跌到懷疑人生才反彈。我自己覺得今年算是處理得不過不失,當然進步空間還有很多。但正如以上所說,不要對自己有過份自信,長期的操作,比一次半次輸贏更重要。但很多時看到其他人的所謂檢討,多數集中係一隻半隻股票買早了或賣遲了,就是賺多賺少的問題,其實對整體操作是沒有提升。

以上事實還引伸了一個看法,如果想期權 SP 長期賺錢,第一樣要戒的就是不要有接貨的想法,如果對正股有興趣就直接揸正股。因為買入正股,見到唔對路,可以馬上止蝕。但期權 SP 是有時間性、有到期日,好多時我哋都估唔到期間會有好大變化,中間想止蝕也未必做到。最重要是我們會有僥倖心,希望結算前有奇蹟出現,但現實往往是殘酷的,到了期權結算日,可能股價已經跌了很多,也錯過了止蝕的機會。

另外接貨會把資金鎖死,margin 相對期權要求大,變相整個倉位可以做的 SP 就減少。做 SP 是要賺時間值,是希望貨如輪轉,結算後又可以再做。但如果接了一大堆正股,就會唔夠 margin 做 SP,跟最初原意相違背。所以做 SP 要識點樣處理接貨,其實就是要唔接貨,而唔係以為有錢接了貨就算。

因此這幾個月的做法就是如果 SP 到期要接貨,就一定不會接,會搬倉,轉到去之後幾個月的 SP,月份盡量選可以拉低行使價的 SP。例如有 1810 小米集團 10 月份行使價 $10.5 期權,結算價 $8.72,deep in money,就轉到 2023 年 3 月份行使價 $10.0 期權。同一時間見 $8 個幾好像有支持就做了 11 月份 $8.00 行使價期權,這一輪反彈已經可以由 deep in money 賺返少少走人,平倉之後又可以再找機會做其他 SP。
 
1810 小米集團 一年日線圖

那麼如果接了貨又怎樣處理?事後看這一輪反彈到 $11.0,如果 $10.5 接了貨,不用輸還有錢賺㖭,又話唔接貨比較好🤔?不過由頭到尾經歷過跟事後看圖吹水評論其實完全是兩會事,在 10 月份結算時有什麼人可以估到一個月會返彈 30% 以上🤔?相信估計 11 月份再跌的人會佔了大多數。如果真的接了貨,在心理上要經歷以下考驗:
  1. 當股價反彈了 10 幾 20% 到大約 $9-10,大部份人心裏就會交戰,好不好止蝕呢?輸少當贏喎🤔。有很多人經歷過這樣的大跌市,都有創傷後遺症😳,股價反彈少少就想止蝕。之後無論升跌也無眼睇,一次輸錢就斬腳趾避沙蟲,長期又怎會贏到錢?(不過神棍就最喜歡講止蝕🙄)
  2. 又或是按書本(神棍) 所教,襯反彈時做 SC 減低成本?唔知大家有冇經驗過,做了個 SC,股價上升就唔敢再郁。正股當然唔敢平倉,怕平了之後股價再升,SC 期權就可能會輸無限。那麼平了 SC?但正股又輸、SC 又要輸,怎捨得就咁斬纜。但唔平唔平,股價又跌返落去,更加唔想平😖。不過如果你相信神棍所講,可以先平 SC,然後等股價上升再平正股,那就祝你好運🙄(題外話,同一道理個啲教人做幾隻腳嘅所謂期權 strategy,賺到錢嘅機率其實好低,唔係方法問題,係我哋嘅心魔問題😈。)
  3. 如果 SC 做得唔好,比接貨價低,但股價突然急速上升,升穿 SC 行使價就有比 call 走的可能,那一刻又會天人交戰,怎樣處理好呢😓?由得 call 走,虧損就成定局,再 roll 去下個月,可能股價跌返,從此在低位徘徊,永無翻身之日。
  4. 做 SC 最理想情況是在 SC 結算日,收哂期權金,而股價還在高位,可以沽走正股。但以我多年所見,機會好低,因為通常股價下跌之後的反彈都是急且短,SC 正正就將呢一刻機會鎖死,所賺到的期權金,變成得不常失。
所以通常我都唔會揸正股做 SC,寧願蝕手續費賣咗正股,然後做返個價內 SP,簡單直接,希望用時間值追到幾多得幾多,唔得再搬倉或分倉、加倉,終有一日會返到家鄉😝。而且人人都教的「正確方法」又點會係真正可以救倉嘅方法🙄。

今次篇文章有些亂,可能有很多地方寫得不太明白,不過話咗係災後重建,亂就應該是正常的😅。
 
如果覺得文章有用或值得支持,就請 like (like 的方法) 多啲啦!謝謝各位!   

22 則留言:

  1. 謝分享,分析得很有道理!

    回覆刪除
  2. 感謝分享。

    無忌兄次次寫得都好好,可以將經歷過既寫得出之余,又令人好易明白,雖然我唔識SP之類,但可以學到你對市況作出既反應既心得。

    回覆刪除
    回覆
    1. 我另一半時時都話唔知我寫咩,所以我都唔知其他人睇唔睇得明,而且我的文筆又口語又英文,我都知是比較差。還有好多細節其實好難用文字表達😅。

      刪除
  3. 多謝分享,看到你經歷了如此跌幅,仍然能輕鬆驾馭,要知是期權,不是正股,實屬不易,並將心得整理,受教了。

    回覆刪除
    回覆
    1. 期權計價因為包括了波幅,所以市況一波動,賬面虧損會十分嚴重。但所謂的虧損只係幻覺嚟啫,只要波幅回復正常,虧損就好快消失。所以之前文章也說過很多次,做期權最重要不要爆倉,爆了就冇仇報。還有上次講躺平,不看組合價值,只看 margin 多少,就是對應心理壓力的其中之一個方法。

      刪除
  4. 謝分享 ! 方法易學, 但心法難.

    回覆刪除
    回覆
    1. 心法都是經驗累積,還是學習中💪🏻

      刪除
  5. 講得好啱. 做SP, 係盡量唔好接貨, 現金先係你嘅操作資本. 接咗貨, 操作空間少了很多, 所以話開得SP就預咗接貨嘅概念, 只係好表面想法, 冇認真思考及操作過SP

    回覆刪除
    回覆
    1. 正是,現金為王,其實幾時都正確。

      刪除
  6. 正股完全沒買賣過,隨波而流,暫時都執到彩。 15000到20000點!升左甘多,可能跌過。

    回覆刪除
    回覆
    1. 我就冇咁樂觀,通常就算下年升市,應該都是先跌後升,如果繼續升,回都唔回,反而唔係好事,不過港股通常都唔係好嘢多🙄

      刪除
  7. 謝謝, 呢篇文寫得好好, 好實務既角度去講解期權操作。

    我近兩年曾經有短暫操作過期權 (今年三月之前, 之後一通關門就無再做), 我會用保險公司既生意角度去run, 從而去理解唔接貨既concept -- 當保險公司發現受保人原來風險大, 及早買"再保險" (當初short option係賣保險, 其後long option平倉係買番個再保險), 卸走風險。

    其實正如你上面所講, 目的好重要, 唔駛太複雜再short call甚至又有太多combined strategies

    想請教下, 你上面既reply解釋左點解會選擇看平唔睇drawdown而睇margin, 意思係指要令到fair value下跌, 而逼到個margin ratio太高(如由1.3上到1.8)?

    可能因為我主要係正股操作, 所以睇drawdown睇得好重要, 唔容許躺平, 呢個同期權concept唔同, 太大既drawdown我受不了。

    回覆刪除
    回覆
    1. 我唔會用做生意來形容買股票或者買期權,我自己好細個就出來做生意,其實兩者完全唔一樣。做生意點會風險咁高,冇錢週轉,兩嘢就執笠,而亦都唔會有乜嘢對沖方法。

      SC 其實都會用,多數用係息率高的股票,因為高息率的股票,期權金好多時會有偏差,要考慮派息才知道值唔值得沽正股,轉價內SP,有機會再解釋。

      我之前講躺平可能係我表達得唔好,咁講只係想係跌市寫文章睇起上嚟有趣啲😅。其實意思係係未見到跌市完結之前,整個倉不買不賣。做期權SP,當波幅上升時是不可以止蝕的,因為一止蝕係好難好難追得返,只有等波幅下跌才慢慢處理。而且因為我今次沒有後備資金,所以怕會爆倉,而計算過如果倉位什麼都不變,可以捱多三四千點,所以就決定以不變應萬變去應對跌市。通常如果有後備資金,這樣的跌市反而是做SP的黃金機會。

      而睇住個 margin 可能我又解釋得唔好。係 IB 有一個數叫 Current Excess Liquidity,如果呢個數跌到零,IB 就會強制平倉去補返條數,或者要趁佢未平倉之前入錢補倉。我一直都只係注意這一個數,而唔係 margin ratio,因為 margin ratio 多少沒關係,做期權最重要知道唔好爆倉。倉裏面有正股、期權、ETF等,IB 計得好複雜,而且會變,所以開始時以為安全的 margin ratio,最後未必安全,因此睇 Current Excess Liquidity 最實際。

      其實睇 Current Excess Liquidity 都大約估到個倉 drawdown 幾多,只係我阿Q精神,睇唔到真正 drawdown 個心情會好啲,所以就選擇這樣做,對其他人來說,未必有意義。

      如果你對 drawdown 好緊張,可能就不太適合做期權,因為期權計價包括了波幅,而當波幅上升,期權SP可能以倍數虧損,雖然只是賬面,當波幅回復正常就會好似冇事發生過,但中間就要承受賬面虧損,而且如果處理得唔好,爆倉就冇仇報。好似今次我嘅 drawdown 係 50%,但高位計係 60%,上次3月份就係 35%。做期權就要習慣這種波幅,要非常相信自己的交易系統才可以處理得到。所以為何好多人初初做期權SP以為好容易賺錢,但一個浪就人間蒸發,這些就是想做期權SP的人要考慮的因素。

      刪除
    2. 謝謝再作詳細解釋👍, 等我再消化下先!

      刪除
    3. 不用客氣,期權通常從錯誤中學習,共勉之。

      刪除
  8. 謝分享,解釋得很詳細及清楚。..

    回覆刪除
  9. 我最的近在想,究竟每月的最後一至兩星期(甚至最後幾曰)才去做貼價期權,如果真的接貨,交貨或平倉,會唔會OK.
    就算接貨出貨,都不會太大差價。
    無忌兄,點睇?
    當然,做short是和時間做朋友,但時間愈長波幅和風險就有机会增大,朋友都可能變殺手。

    回覆刪除
    回覆
    1. 期權不同策略,其實都要看IV變化,但好少人會識得咁睇。你所說的策略,在結算前做貼價期權,要取決於個別股份對結算時的敏感度,有些股份結算前IV特別高,咁期權金相對豐厚,就會值博。簡單來說,以等價期權,如果接近結算還有2-3%時間值,就有得諗。不過以我觀察,港股好難做,近期vhsi高啲就有機會,如果好似之前vhsi維持係20,都冇肉食。

      反而美股會多啲機會,有時到結算當日也有機會,個別股份等價期權金好豐厚,不過要有接貨準備。但係近幾個月好怪,美股波幅也不斷減少,做期權SP變得很困難。

      至於遠權,是的,時間愈長波幅和風險就越大,但只需要對個別股份波幅有了解,就可以減低風險。如果股票持續在高位,去做遠權,其實風險好高,今年的 0700,TSLA 已經完美示範。但如果正常股票已經下跌了50%,去做10%價外,收10%期權金,咁時間相信是朋友,而風險也沒有想像高。例如我三百幾開始做 0700 遠權,越跌越做,之前帳面輸鑊金,但這兩個月反彈,已經全部平倉執返啲。我自己認為SP應該是追跌,而不是追漲。因為經驗話比我哋知,股票暴升,好快就跌返。而正常股票,暴跌之後,就算唔反彈,期權金都會縮得好快。

      刪除
  10. 無忌兄真係好用心回覆問題,感謝用心分享。借位祝你新一年萬事勝意,大家都祥和生財。

    回覆刪除
    回覆
    1. 都係分享下經驗,大家交流下。也祝你新年快樂、身體健康。

      刪除