今日 VHSI 升穿 30

今日 VHSI 爆升到 32.82，少有的爆升穿過 30，升穿了多年平均高位。當然是意料之外，去到 2015 年水平。

突然想起為何世界近幾年都是不平靜，好似都好耐冇試過一年內冇乜嘢發生，可以安安樂樂咁過一年。每一年總是有很多不好的事情發生，以前好多年才有一次黑天鵝，近年好似年年都有。

以上週線圖話比我哋知，什麼事件也是會過去而回歸理性，但也説出原來不理性的時間比理性更多。不過有危就有機，今次也不會例外，只是每次也不知道情況會很快過去，還是有排堐？

無聊的恆生指數季度統計 (二)

上次文章 無聊的恆生指數季度統計 分折恆生指數第三季下跌，第四季反彈機會大，大市走勢大致上根預測差不多。今次又再看看季度走勢如下：

以上是由1999 年恆生指數每年第一季、第二季及全年升跌資料，分析一下可以得出以下數據：

• 以上統計總共 21 年，第一及第二季度的升跌機會大約一半，沒有什麼明顯的指引；
• 連續兩個季度都下跌比率只有 19.05%，機會是有但低。至於第一季度上升第二季度下跌或者第一季度下跌而第二季度上升的機會加在一起反而有 61.9%。
• 再看恆指全年升跌，其實 21 年入面有 14 年係升，升嘅比率係跌嘅差不多一倍，但點解投資者好似覺得恆指永遠跌嘅時候多過升，永遠覺得跌市是不會完結？
• 而如果第一季下跌，全年升的比率更上升至 72.73%。

題外話最近睇蕭雪樺兄文章 新冠疫情，資訊疫情 知道了人的大腦天生有負面偏見(negativity bias)，只看到負面消息，香港人更將呢個理論發揮得淋漓盡致 。唔講米同埋廁紙，只係講口罩，而家已經好少出街，出街基本上都見唔到人唔戴口罩，如果香港人係買唔到口罩，點解全街嘅人都有口罩，咁即係有幾缺乏？

Anyway, 今次結論基本上跟上次一樣，只是一個無聊的統計，可以啱亦都可以錯。只係假設第一季跌，第二季及全年上升機會比下跌大。

上一個月文章 恆生指數 2020 年波幅預計分析 在一遍 FOMO 的氣氛下，希望大市先跌 1000-2000 點到大約 26000 點然後再上升，點知只是幾日時間就跌到 26145.59 點。暫時不知道是否全年低位，但從以上分析，第一季如果下跌，希望第二、三度會回升，這樣推算第一季完結之前，可能也是今年的投資買入機會。

月供股票記錄 2020-01 (第13期)

正所謂買得大賠得大，但反面就是買得多就輸得多。之前文章 組合利潤分析 (二)　已經表示今年一開始太進取，做了太多 SP。 1 月份市況下跌，組合又再次經歷過山車，總值大幅回調，如果市況下跌到 24000-25000 水平，基本上去年盈利應該會全軍覆沒。

但大市已經到了 26000 水平，要估計市況會繼續下跌定反彈基本上是不可能。只有像去年一樣死守，堐得過，希望年尾會像去年一樣，有奇蹟出現。

股票買賣

• 1044 恆安國際因為期權操作所以沽出，詳細情況請參考之前文章 期權、正股走位方法之一 - 1044 恆安國際 。
• 0819 天能動力因為核數師問題已沽出，詳細情況請參考之前文章 更換核數師 - 0819 天能動力 。
• 1681 康臣藥業因為盈警下跌，加了 2 注，詳細情況請參考之前文章 盈利警告 - 1681 康臣藥業 。
• 0552 中國通信服務見市況轉差，想搵嘢走下，但組倉裏面冇乜邊隻有錢賺，見只得 1 注，就走咗算。
• 0386 中國石油化工就見高走了 1 注走位，$4.79 沽，$4.26 買返，差 $0.53，最衰股價沒有進一步走高，如果唔係可以走多注。
• 1368 特步國際、1382 互太紡織、3399 粵運交通因為股價下跌所以各自入了 1 注。

期權買賣

• 1044 恆安國際見股票沽出後急升，就補多注 SP，怎知市況逆轉，但做了就算。
• 本來跟據文章 恆生指數 2020 年波幅預計分析 估計今年低位未出現，有些期權應該減倉，但因為今年想試一試將倉位放到每季才減倉，所以 1 月初市況向上，期權完全沒有食餬，現在看當然是大錯特錯。
• 1 月份所加的 SP，全部是 6、9月倉位，之後再加應該也是集中 6、9月倉位，去平衡返每季的 SP 倉位。
• 暫時還未爆倉，但如果市況短時間再下跌到 24000-25000 水平，應該就守不住，到時見步行步。

現有倉位如下:

(權益披露: 筆者於執筆時持有上述股票相關權益，但不排除隨時減持)