美股期權係每月第三個星期五結算,所以剛剛上星期五就要處理一大堆入價的期權,有很多方面值得記錄存檔。
上年美股主要也是做一隻期權 DVAX,這一隻看似升唔起的股票,做期權居然全年都可以賺到錢,從這一隻股票可以研究一下怎樣去擇選股票期權。
有些人做 SP 股票期權長期賺不到錢,其中一個原因係揀錯了標的物。通常人會用咗揀選股票的方法去揀選股票期權,其實當中是有些差異。選擇股票期權 SP 跟選擇買入正股持有是有不同的考慮,買入正股,當然想越升越好,但 SP 股票期權最好是不升不跌,做完可以再做。如果升得太急,再做 SP,其實 SP 風險就不斷增加。
1) 基本面
首先以基本面,由上而下,所揀選的板塊以幾年計算只要是平穩或有輕微增幅就可以,反而不要選擇市場熱炒的板塊。因為 SP 期權主要是賺時間值,最少也幾個星期,遠權可以是一年,所以轉身比較慢,而且 SP 期權有槓桿成分,好多時也會不自覺做大倉位。通常熱炒板塊升得急也跌得急,只要有一個大回調,爆倉、止蝕就冇仇報。記住 SP 股票期權係贏粒糖輸間廠的操作,避開熱門股其實係避免輸間廠的其中一個方法。
2) multiplier
- 除了基本面,揀選期權嘅技術及操作層面非常重要,而好多時買入正股都唔需要考慮這些因素。第一要考慮係 multiplier,只要看 multiplier 其實已經可以篩選一大堆適合或不適合自己的股票期權。以美股來說更簡單到只看股價就可以知道,因為美股所有股票期權 multiplier 也是 100,即係一手股票期權對應 100 股正股。
- 我估計 100 個玩 SP 股票期權輸咗錢嘅人都唔知道輸錢會同 multiplier 有關。用一個例子如果你有一百萬本金想買 TSLA 正股,你會唔會一次過就買七十萬?又或者買 SPY,會唔會一次過買三十五萬,然後分三注買哂一百萬?我相信十個人都唔會有一個用咁樣嘅操作。通常一個 Portfolio 最好包括 8-15 隻股票去分散風險,如果平均分每隻股票買十萬,分開 3-5 注買入,每注就大約 2-3 萬,這樣應該是比較正常的 money management 方法去減低只持有單一股票的風險。
- 咁點解做 SP 期權就唔需要考慮 money management?好多人以為有一百幾十萬就好多錢,其實係連做一手 TSLA 或者 SPY 期權嘅資格都冇。因為如果接貨,更本只可以接得 1-2 注,同買大細係冇分別。所以做這些超過自己本金能承受的期權,長期一定輸多贏少。除非你係賭聖,鋪鋪都曬冷,而又鋪鋪贏。
- 如果以本金一百萬,每注大約 2-3 萬,即是只可以揀選美股的期權,股價不可以超過 $40。當然這只是一個大概,但股價越高,相對風險就越高。不過好多出名的美股都要幾百蚊一股,其實以有限的本錢,買正股會比期權更適合。
3) 波幅 IV
另一個因素就是波幅,最好有 50% 以上。波幅越高期權金越多,相對比較值搏,而救倉都會容易啲,以下再解釋。
4) 開價及成交
最後就是開價及成交,開價太闊或成交太少也很難操作,就不作考慮。
因此 DVAX 符合了以上揀選要求,佢係一隻做疫苗助劑的公司,所以這幾年生意應該不會太差。而股價只是十零蚊,就算每一注接貨都係有限錢。而且波幅大,即月等價期權差不多有 1 蚊 8-10%,對於操作,接貨,轉倉,救倉都非常容易。
2 月份美股結算時還未打杖,之前兩個月做美股期權也有不錯成績,所以結算後就加大了倉位,怎知今次就瀨嘢 (做期權就是最多這些 unexpectation)。以下是 2 月份所做的期權:
ARKF
ARKX
BOTZ
ICLN
DVAX
CWEB
FXI
MCHI
除了 DVAX,其餘也是 ETF,美股期權最大好處是 ETF 可以做期權,如果用第一點從基本面揀選行業板塊,ETF 比個股更容易減低風險。不過美股我不太熟悉,而且要揀選股價 $40 以下也不太容易,還要多些時間去找標的物。
木頭姐有幾隻基金,選擇 ARKF 而不是 ARKK 或 ARKG,純粹是股價,因為幾隻 ETF 波幅也差不多,所以當然選擇股價最細的,風險就相對減少。
ARKX、BOTZ、ICLN 都係之後幾年有前景的行業,而股價在 $40 以下。不過這三隻 ETF 波幅比較細,不太好操作。
CWEB、FXI、MCHI 都係中概股或港股 ETF,MCHI 純粹係之前買落了正股,只係做 SC 減低成本。因為跟 CWEB、FXI 重覆,之後有機會就會平倉。CWEB 係 KWEB 2 倍 ETF,但今次呢個浪比我經驗到,以後都唔會再做 2 倍 ETF。雖然做 2 倍 ETF 都預咗輸會輸多啲,但最大問題係升的時候好多時都跟唔足,相信是因為反彈多人止蝕,但好明顯莊家冇去維持股價。
係 3 月份最慘烈的一刻,差不多全部期權也入了價,除了 ICLN 因為石油價格急升而上升。只是美股就預算要枱超過五十萬接貨,虧損超過廿萬。不過上星期結算居然只接了五萬貨,全部期權平倉、轉倉之後 3 月份美股期權實現虧損只係二千幾蚊。這幾日市況回升,未實現虧損已經回復係可控的正常波幅水平。
SP 股票期權到結算時入價,除了接貨,也可以選擇搬倉、轉去下月或幾個月之後,好處係不用接貨,壞處係如果市況持續下跌,IV 上升,margin 要求可能比接貨更多,增加爆倉的風險。
所以接唔接貨其實可以有很多不同考量,選擇得好就更容易返到家鄉。
- 通常如果期權行使價接近暫時低位,可以選擇接貨,搏一反彈就可以走人或係中線持有搏更高利潤。
- 但係如果結算時股價已經反彈了很多,預計可能會回調,搬倉去下月更低的行使價可能係更好選擇。只要股票期權波幅大,期權金豐厚,就可以利用一個月的期權金轉去更低的行使價,就算下個月接貨也可以減低成本。
- 至於 DeepInMoney,通常都係轉倉好過接貨,就算可能只能夠轉去同一行使價,但是如果之後股價持續反彈就可以找機會轉返去更低行使價,從而快啲返家鄉。
- 當然如果一早決定了接貨,就什麼也不用做,但如果以期權現金流角度,是盡量不接貨,因為接了貨現金減少,相對的期權倉位就要減少。
以今次 FXI 為例有 4 個行使價入了價要接貨,但當我把倉位轉到 4 月份就變成 2 張是價外,2 張是價內,如果好彩 2 張價內 4 月份走甩咗,餘下 2 張 4 月結算時再轉到 5 月份就可能有機會翻身,完成救倉。
至於 CWEB 因為不想再做,所以就將 4 張入價的期權轉了去 KWEB,轉倉其實不一定要轉去同一隻股票,可以轉去一些劫後餘生,更有信心的股票期權。因為美股期權全部 multiplier 也是 100,所以轉倉非常容易,只跟返差不多期權金的行使價去轉倉就可以,結果轉完之後也是 2 張價外、2 張變成價內。其餘倉位也是以相同手法處理,至於有些被對家係結算前強制行使、接了貨的倉位,就只有用 SC 或抄波幅去減低成本。港股情況會有些差異,下星期結算後再分享更多細節。
總結一下,SP 期權要長期賺錢,其實就是要考驗面對極端市況的應對能力,因為風平浪靜時 SP 期權係好容易賺錢,所以只要係極端市況沒有爆倉,不要因為大幅虧損而亂平倉,到市況回復平靜,基本上什麼倉位的虧蝕理論上也可以通過轉倉而最後反敗為勝。因此任何期權交易系統,應該都是以能夠面對極端市況為目標。因為通常極端市況會在不知不覺中出現,而個刻通常又已經開哂倉,而又通常頂唔順斬倉個刻都係見底回升。如果事前沒有準備,亂咁斬倉,又或爆倉就會一鋪輸突,返唔到身。不過如果能夠通過這些考驗,股市對於 SP 股票期權執行者來說,就會變成了一部提款機。
最近見到有 blogger 分享期權現金流,還要在 Patreon 分享。真不明白為何會有人夠膽量收錢去分享期權,期權最重要是經驗,唔係理論。以現在二至三年就出現一次極端市況,通常第一次遇到都係瀨嘢,只有好叻嘅人可以係第二次面對得到。而能夠分享這些經驗的人,更是寥寥可數。大多數人可能經歷一次就嚇破膽,以後也不敢再玩期權,或是經歷了多次也是不知所措,爆倉算了。所以做期權如果沒有六年以上經驗,而分享中沒有提及 IV 升到 50 點樣做,或者連 IV 都冇講,都跟本冇咩資格去教人。
這篇文章覆蓋了選股、資金配置、開倉、救倉、怎麼面對極端市況,只差入市時機,如果內容分開四堂,坊間一啲神棍可以收你九千八。現在免費送給網友,祝大家下次可以輕鬆面對極端市況,把股市變成自己的提款機。
如果覺得文章有用或值得支持,就請 like (like 的方法) 多啲啦!謝謝各位!