2021 年回報由四種操作所造成:
7226 XL二南方恒科 一年日線圖 |
第一種操作係由三月開始短炒 7226 XL二南方恒科,嚴格來說這一年只是炒了 7 個月,因為 5-6 月以為市況會急速向下所以停止了炒賣。到 12 月只是挨打,回吐了一部份盈利,但買入了這些貨,相信會為 2022 年得到更高回報。從以上圖表,策略上只是把注碼分開了極多注,然後低買高賣。因為今年是下跌趨勢,所以只可以用極短線炒賣,而雖然每次盈利不多,但總盈利也佔了今年回報 20%。如果下年市況好轉,開始上升趨勢,就可以加多一些中線操作增加回報。基本上所有指數類 ETF 也可以實現以上操作,只要有適當波幅,不會急升、急跌就可以。因此這種操作應該歸類為指數炒賣,不一定只是短炒也可以中線持有。例如買入 2800 盈富基金,但就千祈唔好月供及長揸。
第二種操作就是期權 Short Put、Short Call,如果用 IB 買賣股票,其實做期權 Short Put 係完全沒有成本。好多人以為期權做 Long 可以以小博大,一贏就賺好多錢。但係我十多年操作期權認識的人中,從未見過有人做 Long 可以長期賺錢,反而做 Short Put 長期賺錢的就大有人在。Short Put 最怕就係一鋪清袋,所以只要唔大注,其實就唔死得人。我做的期權 Short Put,當然又係辛苦錢,多多 trade,而每次只賺幾百至幾千。至勝的原因係勝率,平均有 95% 以上,即係每 100 個 trade,只有 5 個 trade 要處理。因為分得散,注碼細,就算接了貨,也可以 Short Call 或走波幅反敗為勝。當然風險少,回報就少。例如有一百萬在 IB 買了其他股票,同一個倉用來做 Short Put、Short Call,如果保持 Current Available Funds 係 Net Liquidation Value 30% 以上,即係個倉要跌大約 30% 先 call margin。一個月做 Short Put、Short Call 大約可以有 0.5-2% 回報,不要少看這 0.5-2%,一年下來就可以有 12% 回報,已經比好多基金經理一年回報更高。今年無論近或遠權都叫做可以,沒有什麼過失,這方面盈利佔了今年回報 20%。
第三種操作就是中線買賣,當研究港股發現股票的走勢不外乎是升勢、跌勢和區間上落,大部份港股通常跌勢和區間上落的時間也比升勢長。升勢好多時可能只有數星期甚至幾日,只有極少數股票可以維持升勢幾個月而沒有一個深度調整。但跌勢通常是幾個月甚至以年計,之後還有漫長的整固期。所以長揸股票在港股市況係好難賺錢,反而中線操作,見好就收可能係更合理的投資態度。今年中線投資其實只有三隻股票,0688 中國海外、1093 石藥集團以及一隻美股,但盈利就佔了全年回報 50%。
第四種操作就是不歸類以上三種的買賣,例如其他股票、ETF 的短線買賣、期權 Long Call、Put、甚至期指、外匯、商品,etc。不過近年心血少,已經好少做這些買賣,總體來說這方面的盈利佔今年回報大約 10%。
以上就是 2021 年的總結,好明顯這一年的買賣已經不可以用投資來形容,而這些操作也不是大部份人所渴望的乜乜彿系、懶系,亦都冇得躺平,但係我有信心這樣的操作可以為我帶來以後每年也會有正回報。還有一個重點係以上操作絕大部分已經實現盈利,即是不是浮盈,有機會一個浪就歸零,我相信這也是能夠實現年年正回報的其中一個重要因素。
今年的展望會繼續以上操作,另外進行緊一個物業加按套現買債、基金、Reits 的現金流倉。希望除了賺辛苦錢,可以實踐下佛系、懶系、感受一下躺平的感覺,不過未成功有機會才分享。
如果覺得文章有用或值得支持,就請 like (like 的方法) 多啲啦!謝謝各位!
我都淨係做第二種做法, 成日俾人笑我得一招. 我冇所謂, 贏錢就得.
回覆刪除不過選股係short side嘅重點, 要避開 crowded trade, 唔好人云亦云
贏錢都比人笑?咁我寧願畀人笑多啲。
刪除選股當然係一個重點,這正正是 2021 年跟之前的分別,以前都鍾意抄功課,買下啲其他人推介的股票,但發覺輸多贏少。今年只集中在 108 隻有期權的股票中,無論正股或期權,短炒或中線都係在這 108 隻股票中尋找機會。結果 2021 年所選擇的股票準繩度比以前跟幾百隻股票高好多,差不多所有 2021 年買賣過的股票、期權,拉混都係賺。呢個肯定係 2021 年有正回報的其中之一個關鍵。
其實只要贏到錢,那怕只炒獨沽一隻,也未嘗不可,第一種操作就是向這個方向發展。好多人輸錢,原因都係買入一啲自己唔熟悉嘅股票,但好多人都係不斷重複去尋找新股票投資,所以不斷奶嘢。其實最可靠的投資就是一直都可以比到回報你嘅公司。所以我以後也不用再理會其他人的推介或是今年有什麼主題的新聞,只買賣這一堆期權股票就足夠了。
"一隻美股 " 可否開名?
回覆刪除你真好嘢,咁都留意到。係 DVAX 一隻做疫苗助劑的小型股,我賺了一倍,淨下一半由得佢。但我每個月也會做佢嘅期權 SP、SC,超大波幅,同有成交,好好做。不過唔了解佢就最好唔好做,因為波幅太大,總之期權最好就係唔熟唔做。
刪除謝謝 !
回覆刪除今年成績不錯呢。
回覆刪除我呢排「靈感到」,感覺港股見底,成日想Long Call 2年後的2800,可惜我Cut左個報價系統,所以冇睇到。
0688中國海外以前成日比人笑升得慢,但估唔佢咁硬淨。
刪除期權應該只得一年,如果做下年12月行使價 25.00 要 $1.42,我就覺得值博一般。富途有免費報價。
刪除0688 真是我的愛股,無論市差、市好都賺到錢,呢兩日全靠佢頂住個倉。
牛牛真係有免費報價,謝謝。
刪除勁👍👍👍
回覆刪除見笑了😅
刪除