第一 round 險勝

之前博業績的 1257 中國光大綠色環保、9698 萬國數據-SW 及契媽股 6060 眾安在線、1833 平安好醫生 全軍覆沒。由打和、輸手續費到輸 5% 不等。不過因為重倉短抄隻 7226 ＸＬ二南方恒科，真係單天保至尊，最後賺咗今個月嘅洗費，全部加埋叫做險勝，跌市算係咁，唔貪心。

不過發現要補充一下之前篇文章，7226 ＸＬ二南方恒科 係槓桿兩倍產品，但兩倍波幅是指即日平均，所以相對恆生科技指數有時會跟升唔跟跌，又或者跟跌唔跟升。而且長期會造成價格偏差，假設今日收市 3033 南方恆生科指 係 $8.00，7226 ＸＬ二南方恒科 都係 $8.00，如果明天恆生科指升 10%，理論上 3033 係 $8.80，而 7226 係 $9.60。但如果後天恆生科指跌返 10%，理論上 3033 係 $7.92，7226 係 $7.68，價格比 3033 更低。即是在跌市 7226 會比 3033 跌得更多，而在升市 7226 又會比 3033 升得更多。至於波幅市，因 7226 有槓桿，所以有時間值損耗，不利於波幅市。

所以坊間有說 7226 不適合長揸，只適合 day trade。我會覺得 7226 是可以 trade 幾個星期之內，但如果想揸以月計算，就可能 3033 會好的。今次我 2 隻也有 trade，講真 7226 波幅夠大，短抄係好好多。而且股價一跌就跌得金啲，好似抵買啲。不過如果買入之後再跌，當然就輸得更多，要看看注碼及各人的承受能力來選擇。

  

3033 南方恆生科

看看上面 3033 日線圖，之前高位 $10.95，暫時今個浪低位 7.665。

而看看下面 7226 日線圖，之前高位 $13.62，暫時今個浪低位 6.550。雖然高位比 3033 多 24%，但跌落嚟比 3033 低 15%。如果以指數始終向上的角度，長線又好似 7226 好啲。但如果呢一兩年恆生科技指數也是牛皮呢？

7226 ＸＬ二南方恒科

賺咗錢，要使咗先至係自己，今次就獎勵了一餐澳洲龍蝦比自己，希望下一 round 可以係雞鮑翅😋。

契媽股 6060 眾安在線，1833 平安好醫生

去年很多人及基金也有不錯的回報，又其是一眾轉了美股場的散戶。無論是買 Tesla、Bitcoins、科技股、ETF、只要三月之後沒有離開市場的都大有斬獲。

而最出位的當然是有連登契媽之稱的新一代女股神 Catherine Wood，她其下的基金只要肯買入就有可觀回報。她最近也有投資中國科技股，例如近期的 6060 眾安在線及 1833 平安好醫生由 ARKF 持股。消息一出當然股價升到飛天。

這樣的市況，對於我這些經過幾次股災的老散，被以前的經驗枷鎖，看見沒有盈利、幾百倍市盈率的公司，要重手買下真是有些困難。

 

6060 眾安在線

 

1833 平安好醫生

我的做法只是做了一個倉，專買賣這些基金愛股，每次只擇 2-3 隻，買入後無論輸贏也只持有 1-3 星期便平倉。而賺到嘅錢下次會全數買入下一隻目標，希望可以越滾越大。

最新目標就是這兩隻契媽股，通常股價大升之後回調，如果有力再升會在回調 15-25% 之間打平台，如有這情況出現，便買入博升返之前高位。短抄高風險但未必高回報，但 so far 整體回報又不太差，所以繼續賺 pocket money。