人的記憶真係咁善忘?記唔記得之前幾年都係咁,年頭做好但整年跌鑊金,好難明白為何還有年頭做好就整年都好的想法,當然主觀願望我都希望由頭升到尾。而且一兩年前就話唔記得啫,但幾個月前都唔記得?好多人真係好金魚記憶,已經唔記得半年前的慘烈市況,gogogo 的聲音又再響起,而且還講FOMO🙄。投資除了買得中邊隻股,timing 其實比買中更重要。同樣是 TSLA,有些人賺到笑,但又有些人輸鑊金。
普通投資者相信好難捉到頂底,但相對高位和相對低位應該不難掌握。而適當利用資金配置就可以平衡風險,升得多減倉,跌得多加倉其實好正常。反而上升了8000點而沒有減倉的人或是現在才追入的人,究竟是什麼心態?貪字得個貧、財不入急門這些傳統智慧可能都冇咩人會考慮。
今個月沒有什麼可以寫了,因為只是減倉,沒有加倉。美股、港股結算後也沒有開新倉,估計之後兩、三個月可能都是在高位徘徊,睇定啲再決定今年方向,再唔係提早收爐可以嗎?😅
如果覺得文章有用或值得支持,就請 like (like 的方法) 多啲啦!謝謝各位!
謝謝分享,無忌兄果然请醒,不會見高望更高,而是慬慎觀察。
回覆刪除見笑了😅!
刪除多謝分享。我都覺係謹慎d好,呢兩年政治政策真係冇得估。
回覆刪除散戶不用追數,有盈利,賺咗、洗咗才是自己的。
刪除散戶不用追數,有盈利,賺咗、洗咗才是自己的!
刪除無限+1,賭仔記得離場!
離場未即係戒賭?賭仔好難囉!
刪除恭喜無忌兄!
回覆刪除謝謝,叫做執番身彩😅
刪除多謝無忌兄分享, 如操作縮少, 可以喺另blog寫下養生topic!
回覆刪除養生方面可能有big change, 所以在忙緊,出文會更少😅
刪除--timing 其實比買中更重要
回覆刪除不能同意更多。
上星期四1月26日大約22500點,都叫了媽沽出盈富基金。不過可惜佢去年24000點買入,所以都蝕住走。
刪除有收息,都唔差好多。
刪除