真係後知後覺，之前已經知道德勤辭任咗好多上市公司嘅核數師，今日睇報紙 德勤又辭核數師 一個月內達22宗 先知道原來組合裏面 0819 天能動力有份。
查返港交所網頁，原來 24/12/2019 已經出了公告 更換核數師，啱啱去咗旅行，所以睇漏咗。
公司核數師由德勤 • 關黃陳方會計師行轉到中匯安達會計師事務所有限公司，以 0819 天能動力大約 68 億市值轉去間二、三線會計行，筆者接受唔到囉！
雖然之前 Big4 核數一樣舐嘢，二、三線會計師行核數又唔見得多問題，但今次德勤連續辭任多間上市公司核數師，源於政府要改革香港核數師監管制度追上國際 核數師監管制度落後 改革追上國際 ，令到核數師責任提升。
因此這段時間辭任的公司，都唔方好嘢，一直都避免投資係唔係 Big4 核數嘅公司，所以只有先沽出 0819 天能動力。
不過明報報道 德勤3月內辭任44上市公司 七成中小行接手 業界：不代表有風險 ，其實咁嘅標題係咪好有問題呢？
看見壹傳媒個招牌，便明白無忌兄在擔心什麼。
回覆刪除真地雷好，假地雷好，爆一個都嫌多了，感謝分享。
係呀，咁多股票可以買，買少隻好閑，但中一隻就死得。
刪除噢, 我冇留意呢個新聞, 其實我好少睇隻股票係邊間行做核數的,,, 真係咁重要?
回覆刪除上面講咗啦 "雖然之前 Big4 核數一樣舐嘢，二、三線會計師行核數又唔見得多問題"，其實未必咁重要，不過一直 set 開呢條 rule 選股，反正個市升，未搵啲股走下，都係個人喜好。
刪除