2007 碧桂園期權

通常呢啲市況，恒生指數去到呢啲位，資金都會由當抄的大股，轉去啲中小型股，或是未大升的舊經濟股，最後藍燈籠都升埋，個市就可能玩完。

去年做的期權 Short Put 一改之前的做法，變成在百多隻期權股中追逐，不會揸得太長，正如之前講因為看不通未來，所以見股價低就做啲，反彈升上就平倉，這樣做回報當然不太好，但勝在贏面高，而且不會 over trade，怕 VHSI 一升，又奶嘢。唯有鋪鋪食雞糊，密食當三翻。

今個星期 check 一 check 啲期權股，基本上全部由之前低位升哂，唯獨 2007 碧桂園重係到打緊底，其他有期權的內房股都升埋，咁就博下佢。

 

2007 碧桂園

現價大約 $9.40 做下年 12 月 8.50 遠權，有 0.85 期權金，接貨價 7.65，跟現貨差距 18.6%，藉博率高。如果股價升上 around 10蚊，有短期見頂跡象，就平倉走人。

如果唔好彩跌到下個支持大約 $8.50 才再加注或將期權向下搬，到時再算。