近期值得留意的股票期權

近日恆生指數顯著下跌，咁緊係搵啲股博下反彈，對像也是有期權的股票，因為之前分析過除非大市跌到 25000 以下，大舉買入正股應該未係時間，所以繼續短炒加期權止下手癮。

因為好多公司出了業績，而且宣佈派息，所以選擇期權月份要小心，如果股票派息豐厚，盡量選擇除淨前的月份，以防股價下跌或除淨後要接貨，但又收唔到息。雖然期權金派息之後的月份已有相應調整，但 short put 始終想收期權金而唔係接貨。

0883 中國海洋石油 1年日線圖

0883 中國海洋石油 末期息0.25港元，除淨日 2021/06/03，如果公佈業績當日做 5 月份行使價 $8.00，有期權金大約 $0.40，接貨價 $7.60。雖然去年業績麻麻，但今年油價應該比去年高，就算接貨算是不錯的第一注。

而且因為長榮海運的貨櫃輪在埃及蘇伊士運河擱淺，油價應該短期不會大幅向下，所以派息前股價應該都頂得到掛。

 

1093 石藥集團 1年日線圖

1093 石藥集團 末期息0.09港元，除淨日 2021/05/24，派息太少，所以可以不理除淨日。業績優於預期，應該之前底部 $7.08 都幾穩陣。如果做下年 3 月份行使價 $8.50，有期權金大約 $1.10，接貨價 $7.40，贏面幾高。

 

1099 國藥控股 1年日線圖

1099 國藥控股 末期息0.69人民幣，除淨日 2021/06/15，業績其實幾好，派息又不差，現價 $18.82，P/E 只有 6.86倍，再跌都有限。如果做 5 月份行使價 $18.50，有期權金大約 $0.85，接貨價 $17.65，就算接貨就收息再等。

 

1336 新華保險 1年日線圖

1336 新華保險 末期息1.39人民幣，派息日 2021/08/06，未有除淨日，但多數 7 月頭。業績普普通通，派息雖然比上年減少 ¥0.02，但都有 5 厘幾，算係唔差。之前 $28.5 區間頂唔頂得到唔知到，但做期權就係博頂得到。係公佈業績之後個日，如果做 6 月份行使價 $28.00，有期權金大約 $1.75，接貨價 $26.25，唔算好靚嘅入貨價，但就博得過。

 

2007 碧桂園 1年日線圖

係 2007 碧桂園 公佈業績前博了的 期權，最終得過桔。因為業績唔好，一出業績當日下午就立刻斬了，但估不到斬了之後又升返。這些股價明顯被操控的股票都是算了吧，做返我喜愛的 0688 中國海外發展更好。

 

2018 瑞聲科技 1年日線圖

2018 瑞聲科技 末期息0.2港元，除淨日 2021/06/01，業績非常差，而且跌穿之前密集區，不過又係唔係咁差呢？如果等下年 3 月份行使價 $35.0，有期權金大約 $5.50，接貨價 $29.5，其實係唔係博得過呢？

 

6030 中信證券 1年日線圖

6030 中信證券 末期息0.4人民幣，派息日 2021/08/31，除淨日未有但多數係 6 月尾，如果業績之後一日做 5  月份行使價 $15.0，有期權金大約 $0.63，接貨價 $14.3，唔算很好的入貨價，但好過現價。又或是唔理派息，做下年 3 月份行使價 $13.5，有期權金大約 $1.00，接貨價 $12.5，可能會舒服啲。

以上大部份期權基本上已有微利，繼續等運到。