組合資產配置

這幾日大市急升，大家組合應該有不錯的進賬。不過看見偉哥昨日 留言 大市急升，但係組合只增加了 0.7%，原因是組合現金比重頗高。有另一網友 留言 市升 400 個倉反而輸 180 蚊。其實之前已經寫了兩篇文章解釋原因 恆生指數 vs 個股走勢 (一) 及 恆生指數 vs 個股走勢 (二)，如果而家係升市嘅初期，首先上升的應該是恒生指數或國企指數成份股及一些當炒的股份。

咁多年嘅投資經驗，其實噉嘅情況已經見過好多次。所以自己很多年前就想，究竟有什麼辦法可以去改進組合，避免市升但係組合就唔升嘅現象。當然最簡單嘅方法就係組合裏面有一半係指數成份股，而另一半嘅就係中小型股份。不過好奇怪大部份嘅散戶對指數成份股好似興趣不大，原因可能是大多數指數成份股一手嘅銀碼都是比較大，回報未必十分高，而操作上分注也比較困難，除非係月供。又或者買入指數成份股冇咩眼光可言，賺了也沒有什麼滿足感。

不過就算組合買入了一半指數成份股，但當到了升市的中後期，只有少數指數成份股能夠再創新高，大部份嘅指數成份股變成上落市，變相又會限制了組合的升幅，最後就想出了用期權加股票嘅組合。

第一因為大多數有期權嘅股票都係恒生指數或者係國企指數成份股，當買入這些股票的認沽期權，大市上升或牛皮也會收取到期權金。就算組合裏其他中小型股還在低位徘徊，也可以幫補到組合的資産。

第二因為期權係杠杆操作，所以不用額外資金就可以達到買入指數成份股的這個目的，解決了指數成份股回報未必高的問題。

第三期權係有時限，變相在一定時間內可以為組合帶來現金流，增加組合的購買力。

但係好奇怪，so far 咁耐我都冇見過其他人噉樣做，唔知道系乜嘢原因？或者可能大多數人對期權都唔係好熟悉，以為風險好高。其實任何產品風險都係自己控制，衹要唔 over short，基本上是很安全的。