2019年10月31日星期四

月供股票記錄 2019-10 (第10期)


10 月份恆生指數先跌後升,理單只是升了大約 800 點,而如果唔係今日升了 239 點,其實今個月只是幾百點上落。不過組合盈利今個月就再創今年新高,但係今年盈利波動可以講係三上三落,還有兩個月到年尾,可唔可以維持也是未知之數。

因為今個月頭去了旅行,返嚟之後又上了大陸好多次,所以沒有時間寫文章,而之前也說過,其實今年可以做的已經不是太多,只是係到等運到。

組合今個月新加了兩隻股票 0819 天能動力及 0552 中國通信服務。0819 天能動力是因為 Joseph 兄推介 都敏俊與港股(2019年10月),比起 Joseph 兄組合今年有 35-40%,自已組合回報真係冇得比😥。

0552 中國通信服務是因為 5G 慨念股,而股價剛剛跌到有四厘息,所以就開始買入,之後再寫文補充。

因為買入兩隻新股,組合持有股票超過了 15 隻。以組合的總值,在超過 100 萬之前,盡量不會超過 15 隻持股,所以只有全部減持 0867 康哲藥業。

而 3393 威勝集團因為短期升幅頗大,所以減持了一注。


股票買賣


1) 0552 中國通信服務



  • 買入 2000 股@$4.35=$8700;
  • 以 2018 年全年股息 $0.1713 計算,買入價週息率 3.9 厘;
  • 已經公佈半年業績,每股盈利同比上升 8.7%,預期全年股息 $0.178,週息率 4.1 厘。

    如果以五年平均息率高低 2.68-4.48 厘作估值,買入價在預期週息率偏上位置。

    1) 0819 天能動力



    • 買入 2000 股@$5.13=$10260;
    • 以 2018 年全年股息 $0.38 計算,買入價週息率 7.4 厘;
    • 已經公佈半年業績,每股盈利同比上升 8.7%,預期全年股息 $0.39,週息率 7.6 厘。

      如果以去年平均息率高低 4.40-6.25 厘作估值,買入價在預期週息率偏上位置。

        期權買賣


        • 開始減持一些 12 月到期,而期權金只淨下 10-20% 的期權,因為再等兩個月賺到的時間值已經很少,看看有沒有機會回調然後開下年 6-9 月的期權。例子 1928,2238。
        • 有一些股票例如 0941,1800,持續在低位徘徊,所以開始開下年 6-9 月的期權。
        • 關於 0388 倉位,之前開了行使價 $240 期權,但股價持續下跌,所以再開了行使價 $225 及 $210。之後股價回升,雖然 $240 行使價只有微利,但因為風險問題,已經在低位加了兩注,所以先行平倉。
        • 致於 0012 行使價 $37 倉位,之前不想接貨,所以期權到期就搬倉。現在股價回升,搬倉倉位所賺的期權金減去之前所蝕的期權金還有微利,所以先行平倉計數。之前搬倉時已經説明,所有搬倉,一到打和點便會先計算,然後再找機會在之下行使價再開倉。

          現有倉位如下:



          (權益披露: 筆者於執筆時持有上述股票相關權益,但不排除隨時減持)

          6 則留言:

          1. 久違了無忌兄的更新。

            請教一下無忌兄可有留意過中石化旗下的另一分支2386?見在Joseph兄那邊有人提及過,有點想把386轉過去。

            回覆刪除
            回覆
            1. 冇辨法,呢排寫食譜多過寫股評。

              我冇研究 2386,我會偏向大股,而且 0386 有期權,所以我就不會轉。

              如果大市好返啲,指數股點都會跟。而且睇圖 0386 有機會見底,2386 條長命斜重係好斜。

              刪除
          2. 無忌兄,
            同你一樣,等緊運到,睇黎基金11開始郁手。

            回覆刪除
            回覆
            1. 睇下我上次分析第四季係升市準唔準。

              重有估唔到 0552 今日即刻有運到,但永遠升個啲都係買得少😪

              刪除
          3. 投資回報時好時壞, 跟人生一樣, 所以我也是平常心.

            單睇圖的話, 552似乎唔錯. 多謝介紹!

            原來無忌兄是飲食專家!

            回覆刪除
            回覆
            1. 專乜鬼家,煮下飯仔,唔見得人。

              刪除