2019年9月28日星期六

月供股票記錄 2019-09 (第9期)


因為下星期去旅行,所以今個月提早一日計數。

今個月又死唔去,但又未脫離危險期。本來九月初,組合升幅唔錯,但點知原來係迴光反照,下半個月跌去了大部分的升幅。雖然組合暫時係正數 ,但回報真係麻麻。而且只要十月大市再向下跌,組合應該又變成負回報。

組合今個月收取了一些股息,今年暫時總共收取了 $14820.44,組合息率大約 4.1厘。

股票買賣




  • 1368 特步國際  - 之前 文章 已經分析,在除淨前 $4.43 先買入一注,收了中期息 0.13,成本 $4.30。除淨後在 $4.21 再 買入一注,買入價預期息率 5.1 厘。

期權買賣



  • 今個月期權也做了一些倉位,有食糊、有到期轉倉、有變廢紙再開新倉,但因為時間關係,今次偷懶不一一解釋。
  • 差不多還有一半倉位在 12 月到期,所以今年組合表現就取決於下一季市況,如果沒有好轉就只有再 roll 到下年,之後幾個月也只有等代,今年可以做的已經不多。

    現有倉位如下:



    (權益披露: 筆者於執筆時持有上述股票相關權益,但不排除隨時減持)

    10 則留言:

    1. 去什麼地方旅行? 祝一切順利!

      回覆刪除
    2. 無忌,你呢個月供方法是每月買入個股的型式,
      點解唔用平均成本法定額買入呢?
      可能會比較有效,又唔使成日留意股價

      回覆刪除
      回覆
      1. 我知道有很多網友用平均成本法定額每月買入某幾隻股票,第一係我自己知自己事,我唔覺得我有能力可以未卜先知,可以找到長期上升的股票。如果集中某幾隻股票而幾年後才發現供了幾年都是原地踏步,就浪費了幾年時間。

        第二我也找不到這方法的 past track record,或有那些網友、基金用這方法投資幾年回報是吸引的,如果有請告知,等我研究下。

        好似有人會月供盈富基金,我不知道為什麼人們會認為這是有效的投資方法。想一想月供盈富跟月供 MPF 香港指數基金有什麼分别,那麼 MPF 回報好嗎?

        所以我才要另闢途徑,用一些不同的方法,希望可以達到理想的投資回報。不過到尾可能還是月供盈富基金比組合更好回報,但又或是回報很可觀呢? You never know 始終投資一定要親身投入幾年才知道勝敗。



        刪除
    3. 我自己都比較熱愛收息股,有個別買入股票,但都有用平均成本法月供股票,之前曾經月供領展,成效都唔錯,可惜自己唔夠耐性,供了一年多就停止月供,不過收息股唔太適合用來月供,反而用你的方法買入比較好,又可以計算出股息率和買入時機,仲而觀察股票基本面。

      回覆刪除
      回覆
      1. 領展就係一個異數,可以長升長有。不過如果期望可以再找另一間領展,其實是很渺茫。

        咁不如專注係啲有質素,但升跌波幅起落大的公司,看看怎樣操作可以得到合理回報,這就是我的想法。

        刪除
    4. 無忌兄,我係2018低位$41.6補返500股,係$55終於short夠4張call,每張$0.95。2018最近買盤好強,基本上係入面個班都係願意take risk的股東。

      回覆刪除
      回覆
      1. 糾正:係$46終於short夠4張$55 call

        刪除
      2. 要注意,2018 期權 1張係 1000股,跟正股 1手 500股唔同,唔好 Short 多咗。

        刪除
      3. 多謝提醒,我係本身已經有3500股。

        刪除