13/3/2021 至 19/3/2021 業績公佈的公司

下星期有留意的公司公佈業績有以下幾間，

15/03/2021 中國飛機租賃 1848 末期業績/股息 年度31/12/20

15/03/2021 神州租車 699 末期業績/股息 年度31/12/20

15/03/2021 石藥集團 1093 末期業績/股息 年度31/12/20

15/03/2021 藍光嘉寶服務 2606 末期業績/股息 年度31/12/20

15/03/2021 世茂服務 873 末期業績/股息 年度31/12/20

16/03/2021 澳優 1717 末期業績/股息 年度31/12/20

16/03/2021 康哲藥業 867 末期業績/股息 年度31/12/20

16/03/2021 科聯系統 46 末期業績/股息 年度31/12/20

16/03/2021 港燈－ＳＳ 2638 末期業績/分派 年度31/12/20

16/03/2021 俄鋁 486 末期業績 年度31/12/20

16/03/2021 越秀地產 123 末期業績/股息 年度31/12/20

16/03/2021 中興通訊 763 末期業績/分派 年度31/12/20

17/03/2021 遠大醫藥 512 末期業績/股息 年度31/12/20

17/03/2021 長江基建集團 1038 末期業績/股息 年度31/12/20

17/03/2021 耐世特 1316 末期業績/股息 年度31/12/20

17/03/2021 電能實業 6 末期業績/股息 年度31/12/20

17/03/2021 舜宇光學科技 2382 末期業績/股息 年度31/12/20

17/03/2021 微盟集團 2013 末期業績/股息 年度31/12/20

17/03/2021 葉氏化工集團 408 末期業績/股息 年度31/12/20

18/03/2021 中廣核電力 1816 末期業績/股息 年度31/12/20

18/03/2021 中國利郎 1234 末期業績/股息 年度31/12/20

18/03/2021 中信証券 6030 業績/末期股息 年度31/12/20

18/03/2021 長實集團 1113 末期業績/股息 年度31/12/20

18/03/2021 長和 1 末期業績/股息 年度31/12/20

18/03/2021 佳兆業美好 2168 末期業績/股息 年度31/12/20

18/03/2021 九興控股 1836 末期業績/股息 年度31/12/20

18/03/2021 載通 62 末期業績/股息 年度31/12/20

18/03/2021 特步國際 1368 末期業績/股息 年度31/12/20

19/03/2021 恒安國際 1044 末期業績/股息 年度31/12/20

19/03/2021 統一企業中國 220 末期業績/股息 年度31/12/20

19/03/2021 粵運交通 3399 末期業績/股息 年度31/12/20

19/03/2021 中升控股 881 末期業績/股息 年度31/12/20

19/03/2021 紫金礦業 2899 末期業績/股息 年度31/12/20

下星期有很多以前 trade 過的公司出業績，主要都是舊經濟股票，但會再買賣的其實沒有多少間。因為帶給我美好回憶的其實沒有多少，多數都係估值好平買入，但係特價係可以再大特價，然後再超筍價，沒完沒了....😓

 

0001 長和 1年日線圖

好似長和系 2638 港燈-SS 、1038 長江基建集團、0006 電能實業、1113 長實集團、0001 長和，唔知有幾多人將佢哋掃咗落床下底？我記得初初寫 blog，1 號仔八九十蚊已經話好抵。照計數是事實，佢週身寶，之前賣歐洲個發射塔資產已經話值九百幾億，而個資產聽都冇聽過。現時整間公司市值才二千五百億，再之前話賣屈臣氏又話值二千億，現價個真實 PB 唔知有冇 0.1。但居然市況最差嘅時候，跌到市值只淨千七億。不過市場永遠是對的，唔升就唔升，就算今次真係升返八九十蚊，也浪費了五六年時間，人生有幾多個五年呢？最慘佢連行 range 都唔係，冇得走下位減低成本。咁我不如每年低揸高沽盈富基金好過🙄，所以點解唔會再買這些股，因為市場生態改變了。

2168 佳兆業美好 1年日線圖

另外有啲都賺過下唔錯嘅好似物管股，2606 藍光嘉寶服務、0873 世茂服務、2168 佳兆業美好，無奈市場已經抄爆咗，相信會好似 1 號仔走勢，幾年都唔會升，原因增長會不斷減慢。我嘅淺見其實條數好易計，舉例初時阿仔上市阿媽比十萬平方米佢管理，第二年阿媽賣樓又比十萬平方米佢，咁業績未有 100% 增長，但下一年就算再有十萬平方米，增長就變成只得 50%。因為基數會越來越大，增長就會越來越減少。而且而家抄爆咗，只係殺估值就唔會大升。還有市場現時物管股太多選擇，資金分散也很難抄得起。我估計之後幾年可能開始派息股價才有機會再上，始終以收息計比收租股更穩陣，但 PE 最多都係十零廿倍。

會繼續買賣的多數是有期權的股票，例如 1093 石藥集團、2382 舜宇光學科技、1816 中廣核電力、6030 中信証券、1044 恒安國際、2899 紫金礦業，不過 1816 中廣核電力 期權金好低，2899 紫金礦業 又抄爆咗唔會掂。

1093 石藥集團 1年日線圖

1093 石藥集團，醫藥股因為帶量採購已經沒有了以前的高估值，現在估值是歷年低位，今次業績對之後走勢可能有幾大影響。

6030 中信証券 1年日線圖

6030 中信証券，之前供股股價急跌以為守得到，這幾日 A 股大跌，最終都係向下，如果跌返之前裂口大約$13.50，可以博一博，贏面高。

1044 恒安國際 1年日線圖

1044 恒安國際，又一隻急升之後十年再沒有升幅的股票，雖然每年也有增長，但由幾十倍 PE，到現在十三四倍 PE，內需股嚟計真係超低，做 range 或期權都幾好做。

跌市的選擇 7226 ＸＬ二南方恒科

去年的市況令我不斷反省怎樣的投資才是最穩健，因為年紀不輕，保本最重要。投資方法五花八門，其實無論短抄、長揸、價值、技術、事件驅動、momentum 等，只要可以長期帶來回報就是好方法。而要執行上有效果，方法適合個人性格、生活方式亦都非常重要。例如我性格比較慢，好難做即日鮮，又或是我唔想夜瞓，要我抄美股就好困難。

要保本就只投資大藍籌，不過去年太多黑天鵝，只要美國一話制裁，就算估值幾低，都被殺到片甲不留。而且市場趨向增長型股票，舊經濟公司的估值只會在低位徘徊，好難有價值重估。就算年年增長，只要市場殺估值，長期可能也只是有波幅，冇升幅，而且等待機會成本太重了。

至於增長型股票，我自問都用過 PEG 或 DCF 之類去估值，但隻隻都唔同，睇返其他人點估值，多數都係自圓其說，冇咩可以跟據，佢話值幾多就幾多，咁可以點樣投資這些公司？

香港成立了科技指數 HSTECH，好似是一個幾好選擇，因為指數理論上長期是向上的，只要不高追，在低位買入，贏面比較大，就算短線捱價，起碼有得守。而買賣相關 ETF 斷估唔會咁容易執笠，理論上亦都唔會跌到零，達到我想保本的目的。現在市場有幾隻選擇，例如 3033 南方恒生科技、3088 華夏恒生科技、3032 恒生科技 ETF、3067 iShare 安碩恒生科技 ETF 等。資金多可選擇不同發行公司，再減低這方面的風險。

還有 ETF 令一個好處是不用費神去揀乜嘢公司，有時大跌市撈底，最怕就是捉到大市轉角位，但之後反彈，自己買的股票不升。

最近科技股跌到阿媽都唔認得，咁緊係要搵啲目標睇下，見隻 7226 ＸＬ二南方恒科 好似幾好，因為槓桿了二倍，買得大倍得大，當然輸也輸鑊金。

 

7226 ＸＬ二南方恒科

睇返之前股價，原來由低位 7.065 幾個月就升到 13.62，一年不到也有差不多 9 成升幅，如果斬頭折尾，一年有五成回報都幾好呀！所以今年的目標就放在這一隻 ETF，會將大部份資金都用來買入這一隻 ETF，希望單天保至尊。

不過上面蟹貨重重，現在應該也未到底，所以短期策略都係抄上抄落，分返十零廿注慢慢撈。

9698 萬國數據-SW

這星期 27/2/2021 至 5/3/2021 業績公佈的公司 博隻 1257 中國光大綠色環保 衰咗，輸咗 $0.10 走咗，真係出師未捷，身先死。這些博業績 trade，無論業績好定唔好，都係出業績當天或下一天走，不會長揸。

本來下星期 6/3/2021 至 12/3/2021 業績公佈的公司 冇 target，但見隻 9698 萬國數據-SW 跌返之前密集區，就入咗博下，反正上次業績也是虧損，可能會有驚喜，不過國內公司出業績前好多春江鴨可能都係唔慌好。

9698 萬國數據-SW

但呢隻股票嘅概念好，因為做數據中心，香港上市在國內相近業務的沒有太多選擇，通常啲基金都鍾意抄呢啲股；有概念、未來增長確定性高、少選擇、行業龍頭、最後最緊要係冇盈利。即係佢識你唔識，唔係點顯得基金經理高級。觀乎好多之前大升的股票好像美團、藥明生物、Telsa等都係咁吹個故仔出嚟。

  

不過市值 1300 億，唔計有冇錢賺，做 40 幾億生意，真係貴到唔識講。如果用 1686 新意網集團 比較，170 億市值做 17 億生意，叫做合理啲。不過又係高增長股問題，香港公司跟國內冇得比，所以啲人又一啲都唔覺得貴。但如果今次業績冇 50% 增長短期都唔使諗，出咗業績先睇下寫唔寫。

 

以上朱x分析好值得參考，不過通常用 EV/EBITDA 估值的公司，即是重資產，市場長線未必好 buy。之前美股上市已經升了好多，究竟今次是玩完定有力再升，都要看看業績。

  

GDS  萬國數據

就咁睇股是好股，但估值真係唔識計，衰起上嚟跌到去邊真係唔知，之後爆升時又揸唔揸得穩係另一考驗。如果長揸我諗跌返一半去返再之前的密集區才考慮，始終我畏高。

一隻令人拗哂頭的股票 0669 創科實業

本來想寫一篇詳細業績報告，但係諗諗下無論分析出嚟係好定唔好，係現價我都係唔會買，而且根本諗唔明佢點解咁好生意，所以都係亂咁寫算了。

一直也有留意創科實業，都買賣過幾次，但總係冇信心長揸，因為佢一直以嚟嘅業績實在太靚。每一次業績都好唔真實，連續增長十幾年，真係 Too good to be true。

去年股市大跌，諗都冇諗過留意佢，因為佢主要市場喺北美，而北美疫情咁嚴峻，估計佢都唔慌好，點知股價......😳

0669 創科實業

由低位升咗 2 倍😳

 

我都有親戚喺北美到住，問咗佢哋嗰邊嘅情況，佢哋話零售好差，好似 Costco 年尾零售市道旺季都冇乜 promotion。還有啲工具好襟，一個家庭買咗唔係時時要再添置或換新款。

而且啲人因為政府派錢，work from home，好多工程都停哂，失業率又高，你話究竟乜嘢人去買創科啲工具🤔？

除非因為係山火、風暴、天災整爛咗好多屋，又或者 BLM 整爛咗好多鋪頭，所以就要返多啲工具修理。

 

截至二零二零年十二月三十一日止年度之業績公佈

https://www1.hkexnews.hk/listedco/listconews/sehk/2021/0303/2021030301543_c.pdf 

 

 

最新業績又係無可挑剔，更超預期，最多也只是存貨急升，但管理層都解釋咗。

究竟點解係全球疫情之下，北美對這些工具需求會有咁大增長？結論就係我呢啲散戶對人哋市場真係識條鐵，都係出少幾句聲好啲🙄。