本來有各種 ETF 可以投資是好事，由其是債券類對散戶來說比較難入場。不過這股 ETF 是在今年四月份才上市，那時內房債還未出事。原來大戶又係推出啲“合時”產品搵散戶老襯，好在唔係有好多人識，應該冇咩人奶嘢。
 |
| 3001 PP中地美債 日線圖 |
上市第一日開 $388.70，今個星期最低跌到 $245.05，跌了 37%。中間雖然收了 2 次息共 $11.82 都幫補唔到幾多。
如果以後派息跟上次所派大約 $5.60 差不多，一年派 4 次息，現價 $287.30，息率大約 7.8 厘，其實也是不錯的收息選擇。因為理論上 ETF 係必定會派息，唔同股票要看大股東心情，又或者一話生意唔好就停派息，失哂預算。不過大前提當然係內房唔會爆煲，敢唔敢落注就決定於信唔信亞爺。呢隻 ETF 成交唔多，觀察了一個星期，買賣差價都好闊，不過見到富途、盈透牌都係一百一百咁買，散戶真係好多都好有米🤪。
多得 B兄，暫時低位撈咗少少，賺到幾餐晏仔。債券理論上票面值到期日都會變返一百，只要唔違約。所以低位買了理論上都會升翻，但要估邊隻內房唔違約可能有啲難度，所以大包圍的 ETF 可能係其中之一個選擇。
看看 3001 PP中地美債 十大持倉，會爆煲的應該唔會有幾多間掛🙄。
十大持倉（發行人集團）
截至 2021年11月11日
旭輝控股集團 4.38%
融創中國控股 4.24%
萬科集團 4.07%
廣州富力地產 4.07%
路勁基建 3.99%
碧桂園地產集團 3.97%
廣州越秀集團 3.94%
世茂集團 3.85%
仁恒置地集團 3.73%
時代中國控股 3.71%
所以今次想擺下收下息，睇下一兩年後係唔係真係升翻，到時再話比大家知結果如何？
如果覺得文章有用或值得支持，就請 like (like 的方法) 多啲啦！謝謝各位！
講起內房, 我唔會買內房股, 而物管股受內房板塊的氣氛拖累得太多了. 回復往日的強勢可能也需要一點時間. 我個人認為一些有能力外拓, 不需要過於依賴母公司的物管公司, 依然很有中線投資價值.
回覆刪除另外, 如果買內房博反彈的話, 我寧願買內房債了. 3001 也是ok可以考慮的. 內房直債更多抵買貨. 不過我不在香港, 搞不到這一些直債投資.
直債最少要十萬廿萬美金一條，唔係我呢啲散戶玩得起，內房我一直只買中海外，今年基本上只有波幅冇咩跌幅，我嘅操作持續可以賺到錢。華潤置地也好，但一注太多，所以就冇考慮。
刪除物管股之前分享過唔會再買，因為唔識揀加上唔識估值，好怕啲炒貴哂嘅板塊，太多蟹貨，可能之後幾年也是跌勢，好難操作。
我最近都小注左E隻ETF, 其實佢個Underlying 大約係 hold 每個發行人一張bond, 所以足夠分散非系統性風險
回覆刪除而當世茂都跌到垃圾價 (60蚊左右), 係一個好好的入場時機
暫時睇有兩個大風險
1. 如果房企撤銷評級, 預計指數會remove走個發行人, 意味著ETF好大機會在低位賣掉該債券
2. 與上一個風險類似, 不過更進一步, 就是當發行人違約, 準備債務重組, 不少房企會撤銷評級, 即使第日回收價值 >> 現價 (亦好大機會, 因為內地限價, 唔likely 堆資產、土儲會大幅減值)。投資者亦無仇可報
暫時佢手上仲有各一張佳兆業、恆大同花樣年, 我寧願佢等債務重組plan / 債務展期, 都好過一撤消評級就賣出...
世茂真係估唔到，股票都跌到一僕一碌。
刪除以上都寫了，買唔買其實係對阿爺有冇信心。如果唔係心盲，咁多年以來睇中國嘅市場經濟，跟美國華爾街金融嘅貪婪比較，就知道阿爺會點做，會以大局為重，亦都唔需要考慮什麼人的利益。
剛剛想寫下內銀，咁多年以來，吹風內銀壞帳會爆煲的新聞時不時就講下，但結果呢？望下內銀多年股價，你會後悔點解幾年前冇買。
經過 2019 年，又係如果唔係心盲，都應該睇得出鬼佬將中國小小瑕疵也會吹到大一大。就算今次真係執咗幾間內房又如何？以亞洲高息債來說，唔投資內房，還有什麼可以有如此高息？
就算真係死咗，今次投資金額不到我本金 5%，又怕什麼呢？這一年的投資發現其實投資真是不難，只要低買高賣，關鍵只取決於心理質素，即是你受多少所謂市場新聞、其他有心人的評論所影響。