兩種投資理念

有些人的投資理念是不怕輸十次贏一次就夠，只要輸的那十次可以控制，但贏一次就可以翻身。黃xx就最喜歡吹捧這種理念，而且一舖翻身講出嚟幾 sexy。所以通常你聽到的故事就是那一次，加上同好會圍爐講佢哋硏究了幾多幾多才一注獨贏，但係如果咁識得研究，為何又買入那十次🤔？當然其餘那十次就不會再提，也是有道理的，止蝕了還提來做什麼🙄。

另一種理念是保持高機率贏面，要有七成之上，有機會才出手，不會一舖發達，而且一但犯錯，有機會輸鑊金，但長期因為勝率高，最終也有不錯回報，不過就冇咩 talking point，好似乜 Sir 衰一次就比人插到爆。而且要建立到自己嘅系統，付出、堅持加運氣比研究更重要。

究竟那一種理念更像賭博，那一種才是真正投資？如果投資好以做生意，有冇人抱著前者的心態去做生意而長期成功？不過近年好像前者不斷被追捧，後者反而被人唾棄。

其實香港人一直是炒炒賣賣起家，一舖發達是大多人的夢想（我都想😅），成王敗寇也是用金錢衡量，但也不用貶低他人來抬高自己。

（以上是近期看了多篇文章有感而發）