2022年1月10日星期一

近期有交易期權的股票名單

以上一篇文章 2021 年投資回報檢討,Short Put 期權是全年盈利核心之一,也是整個交易系統的基礎,而持續去找不同開倉機會是分散  SP 風險的重要關鍵。近期有做期權的股票有以下名單,盡量分散在不同的版塊,而且倉位也不是平均的,有一些可能只做了一張、兩張,而股價便馬上反彈或是橫盤,就不會持續加倉,所以實際的主要倉位可能只集中在十隻、八隻股票:

內房
0688 中國海外
2202 萬科企業

內險
1336 新華保險
2318 中國平安 
2601 中國太保

內銀
0939 建設銀行
1398 工商銀行

科技
0700 騰訊控股  
0981 中芯國際
1810 小米集團-W
9888 百度集團-SW

旅遊
0027 銀河娛樂
0753 中國國航

醫藥
1093 石藥集團
1099 國藥控股 
1177 中國生物製藥

資源
0358 江西銅業股份 
0883 中國海洋石油
2600 中國鋁業

香港地產
0016 新鴻基地產
0017 新世界發展
0066 港鐵公司

內需
0941 中國移動 
1044 恆安國際
2020 安踏體育
2238 廣汽集團

指數
2800 盈富基金
2822 南方 A50

如果以時間分類,通常我只做即月或是遠權(9-12個月)。而做即月的原因主要是想以現價或近價接貨,而接貨的股票又是為了中線持有的策略,即是像去年中線持有的 0688 中國海外及 1093 石藥集團從而希望得到更大回報。而中線持有的股票,每月也會做 Short Call 去增加回報,由 SP 到持股再到 SC 就形成了整個操作系統。

現在持有作為中線策略的股票如下:

0688 中國海外
0753 中國國航 
0981 中芯國際 
1093 石藥集團
1177 中國生物製藥
1336 新華保險
2601 中國太保
9888 百度集團-SW

以上期權當持有正股的時期會持續做即月 SP、SC 去減低成本,因為有時 SC 被行使就可能要 SP 即月去補返貨。但當股價急升,例如 0688 中國海外 經過近期急升已經慢慢食餬,或是做了 SC 等被 Call 貨,即是中線目標已達。之後便會等一段時間當股價回調到吸引水平,才會重新 SP。在 108 隻期權股票當中,一定會找到有機會的交易,所以 Call 走了的股票,就算股價再上升,也不用介懷。因為系統不是靠一、兩隻股票才決定整體回報,而是靠整體勝率去達致正回報

以下股票也有做即月 SP,但就未入到正股,如果入到就會作為中線部署,不過隨著股價升跌,每個月也會有變動。例如內銀股經過兩個月的急升,下一個月應該就不會再做即月,除非急速回調。始終等機會出現是 SP 其中之一個成敗關鍵

0700 騰訊控股
0939 建設銀行
1398 工商銀行
1810 小米集團-W
2202 萬科企業
2238 廣汽集團
2600 中國鋁業

其餘的股票期權就只是做了遠權而不希望接貨的。好多人做 SP 期權的時候,多數只看收到幾多期權金或是槓桿比率可以開多少倉位,未必有想清楚如果最終要接貨會怎樣處理,或者更本不想接貨,但無奈到期入價接了,之後不知道怎樣處理就放埋一邊等運到。其實開倉時第一考慮就是接唔接貨,我自己的做法是想接貨就做即月,不想接貨就做遠權。而即月的期權一定分開不同行使價而只做準備接貨的張數,不會因為想收多些期權金而賭博去做大張數,如果想要多些期權金,不如做遠權。

要 SP 有回報,一定要長期作戰,通常接貨最多的時間,反而正正是做 SP 的最好時機。近年傳媒吹噓的月供股票,成效多少大家應該心裏有數。我反而覺得每月用同一筆資金去 SP 預備接貨,不用持有正股,回報可能會更好,而又可減低風險,到大市大平賣時才把之前儲起的資金入市,中長期回報一定比月供股票更高。

當然期權還有選股、行使價、波幅、等重要因素要考量,但這些要累積更多經驗才可以理解。所以開始做 SP 時收多少期權金是最次要的,能夠長期生存,不 overtrade、要不要接貨、接貨之後怎樣處理才是最重要。

如果覺得文章有用或值得支持,就請 like (like 的方法) 多啲啦!謝謝各位!   

12 則留言:

  1. 非常感謝分享, 作為期權新手, 想問短線即月SP都有7隻, 係咪都要留有咁多cash以作接貨, 定係只留相應百分比。另外長線SP, 是否應選擇波幅較少,以免期間in the money損失太多?

    回覆刪除
    回覆
    1. 如果我要做短線 SP,我一定會確定有 cash 接貨才會做,因為是短時間,如果要接貨唔夠錢,就只有止蝕,冇仇報,止多幾次仲邊度有本?接咗貨可以 SC 或炒波幅追返條數。其實以上策略係限制咗自己唔會 overtrade,同埋接咗貨一定要處理,唔可以放埋一邊。唔學識點樣處理接貨,SP 唔會做得好。好多人一開始就學壞師,用賭博心態做 SP,長期唔會贏到錢。

      反而遠權就可以偷雞,或者可以預計這段時間會儲蓄到的現金再加少少槓桿也可以,因為長時間,不用馬上接貨,除非係深入價內,可以慢慢想辦法,或轉倉。

      我自己揀遠權反而會揀大波幅,最好是急跌升 IV 的時候做,期權金才豐厚,風險才會降低。以為低波幅的股票,跌起上嚟唔係人咁品,收埋雞碎咁多期權金都唔夠補。港股基本上冇穩陣嘅股票,任何股票每年都會有急跌的時候。

      至於近權,只考慮接唔接貨,波幅多少就不是重點。

      刪除
  2. Thx for sharing ! Learn a lot.

    回覆刪除
  3. 感謝無忌兄分享,我自己通常集中做一隻股票既期權,試過分散但無能力駕馭😛

    回覆刪除
    回覆
    1. 集中都好,只要唔高追。不過做下做下倉位大啲,分散個心會安樂啲。

      刪除
  4. 我都係只能集中好幾隻有信心黎做,太多兼顧唔到。大集中時做下做下倉位越做越大,D股票又係咁升,又唔敢做淡。對上一次接到一褲都係,希望張來做好D。

    回覆刪除
    回覆
    1. 集中是好的,因為會熟悉股價的走勢,容易找到阻力、支持位。我以前也是,但很多時當 SP 一直贏錢,就會越 Short 越大,不自覺在相對高位 SP,當然 SP 時覺得價位可以接貨,但就忽略了港股好多時都跌鑊金,跟住就一舖輸鑊金,好多人就怕怕,以後不再做期權。

      其實 handle 三、四十隻股票是必須的,又其是倉位越來越大,睇偉哥近期分享佢組合已經要買到四、五十隻。

      做淡千祈唔好,又係會學壞師。股票長遠是升多個跌,為何要逆住嚟做。

      唔想接到一褲都係就要計清楚先至做,唔 overtrade 係好難,我有用 excel 計住每月開的倉要接多少貨。而且要避免還牽涉 IV、期權金、行使價、怎樣選擇股票來做期權?下一篇試講其中一、兩個方法去把 108 隻期權篩走一大部份自己唔會做的。

      刪除
  5. 多謝師兄指教🙏。我嘗試調整下。
    另外我間中都有返看你的舊post, 非常實用。👍

    回覆刪除
    回覆
    1. 我都係不斷完善中,希望去年的經驗可以維持下去。不過期權文章其實冇咩人睇,所以都係當自己的反思。

      刪除