Buy and Hold 的迷思

我喜歡價值投資，因為計算企業價值，以合理價格買入，長期一定跑嬴大市。但我大部份股票也不是 buy and hold 。為何是這樣，不是價值投資就要 buy and hold 等企業價值顯現?

不知道由幾時開始，價值投資者和 buy and hold 好似就畫上了一個等號。將股票賣出買入嘅人就好似變成十惡不赦，就不是價值投資者，是抄買不是投資。

我會看成這現象是傳媒對巴菲特的誤解，因為一講價值投資，自然會想起巴菲特。而當傳媒看見巴菲特有很多股票也是長期持有，便誤以為價值投資者都會長期持有股票。慢慢大部份人也這樣認為，認為要學習巴菲特，就要 buy and hold。但其實一隻股票是不是要長期持有，是取決於股票的本身，而不是所有股票也適合這方法。

巴菲特其實距離我們很遠

要知道不同市場，當中所包含的股票本質也不同。巴菲特所投資的股票大多在美國，美國經濟長年増長，造就了很多世界級企業。所以投資這些每年有增長的股票，當然是長期持有去分享企業利潤所帶來的增值。但香港市埸呢，有多少股票是可以長期増長，值得長期持有? 

可能有很多人不同意，隨便可以找幾隻每年也有增長的股票。但我所講的增長是 15% 或巴菲特所要求的 20% 以上才算是增長。如果要求只是每年比通脹好少少 5%-8% 的增長，跟本就不需要買股票，買盈富基金便可以了。

還有巴菲特開始投資的時候是六，七十年代，正直美國戰後經濟起飛。香港七，八十年代也是經濟起飛，嗰陣時投資股票，長期持有，亦都可以有理想回報。但係現在呢? 回歸之後 20年，香港嘅經濟根本是停滯不前，所以有很多企業的增長都係非常緩慢，如果長期持有這些股票又怎會有理想回報。

最後是民族性， 相對美國人，中國人嘅賭性十分強。任何數字，也可以炒一番，叧到當炒的股票大幅偏離應有的價值。

合理價值 vs 大幅偏離

隨便找一些例子，也可以印正以上論點。例如港交所，獨市生意，又有護城河，但係五年嘅回報只係15%。仲要係你可以喺低位買到。如果你喺 2012年 150蚊買到，複式回報只係 8%。

咁長期持有係唔係冇用? 咁又唔係喎，睇下以下股票 669 創科。五年嘅年複式係非常之厲害既 39%，五年翻了四倍。比對港交所，最大嘅分別就係佢嘅升幅每一年都係好穩定 ，唔會大幅偏離咗佢個合理價值，呢種股票就可以長期持有。

結論是當我門投資股票要清楚企業的本質，和最重要是知道企業的價值。如果大幅偏離合理值，便是價值體現的時候，然後再耐心等待下次機會。