2019年7月22日星期一

股價大升之後..........


上篇文章提過大部份香港股票很多時大升之後,便持續牛皮或更甚是跌回之前的起步點。其實原因很簡單,任何一間公司也有一個內在價值,當股價上升遠超合理價值時,自然有一些人選擇賣出,而跌到不合理時,又自然有一些人選擇買入。要記住股價是非理性的,而內在價值是理性的計算。所以短期股價大幅偏離合理值,最終長期也是會回歸合理水平。

而不同公司,投資者對其內在價值的注意重點也有不同。有些公司,投資者可能在意公司的資產折讓,有些可能是收入、盈利,有些可能是派息、現金流。基本上以香港上市流通量足夠的股票,這三個範疇可以慨括了大部份公司。

舉一個例子某一隻股票投資者比較在意公司的每年派息,如果投資者預計今年派息增長 10%,但全年股價中位數上升了 30% (高位可能超過50%),如果你持有這股票,你會有什麼想法或期望?

通常散户會期望股價下年會有同樣的升幅,而且還會給予很多支持上升的理由,但唯獨大部分散戶都冇去審視公司嘅內在價值變化。如果下年派息大增 30%,趨勢可能持續。但如果只是同樣的 10%,那麼股價下跌的機率大還是上升大呢?

當然有時遊戲可以延續兩三年,還記得前兩年的 2018 瑞聲科技 及 2382 舜宇光學嗎?怎樣由工業股化身成科技股的過程,市盈率多少也説不貴,但結果呢?其實歷史只是不斷的重覆發生 (這是我的口頭禪),要找大把例子。看清楚及銘記這些事實,可以避過很多價格陷阱。

以剛出半年業績的 3331 維達國際,前幾年炒內需股的時候也是基金愛股,從 2013-2015 上升了差不多 3 倍,2015 年市盈率由平均高位廿多倍炒到 60 多倍,然後最近四年由 2015-2019 年股價只是在大約 $11.0-$16.0 之間浮沉。當然盈利沒有增長才是主因,但明顯地有投資者知道公司盈利到了樽頸,所以就炒高派貨走人。因此當一間公司股價幾年都是平穩升幅,但突然間一年大升,而盈利沒有跟上就要注意了。

六年週線圖

最近有一隻股票又有相似走勢,大家估到是那一隻嗎?除非今年業績大幅增長,相信之後幾年股價也只是上下浮沉,五年後又看看對不對?

12 則留言:

  1. 真係估唔到你講邊隻.

    我自己就唔會估5年咁耐, 三年還是ok的.

    回覆刪除
    回覆
    1. 都冇咩邊隻正常股,炒到 60-70倍 PE,由正常炒到唔正常,但啲基金經理還是覺得好正常。

      刪除
  2. 回覆
    1. 年報入面管理層都講增長放慢
      都仲可以企住$3x, 58x PE...

      刪除
    2. 上次業績也沒有講增長强勁,但市場也炒上 60倍。最難是現在回調不要買回,把之前賺的錢輸返,直到股價變返合理。

      以上文章就是想表明,當一隻股票炒過龍,是要花幾年時間去消化升幅,才有機會再拾升浪。

      刪除
    3. 當今年增長15%, forward PE 30倍既話
      股價都係$22.8
      成40蚊 大家慢慢買😂

      刪除
    4. 其實都唔明啲基金經理點解咁渣,自己又唔做功課,聽到黃x英話買,作幾個理由,就一窩蜂搶住買,我就冇本事賺呢啲錢。

      刪除
    5. 因為有更加唔做功課既老散比佢地賺

      刪除
    6. 之前pe成七十幾都已經好誇張,依家增長約20%都仲有近60pe... 而且仲有人湧去買,都開始懷疑班人知唔知自己做乜買乜,人買我又買咁。。。就算幾好既股票都好,太貴就唔值,難道世上得一隻維他奶可以買?水浸到大把錢係又買唔係又買?有買貴無買錯係王道?

      刪除
    7. 你説得真對,其實歷史只是不斷的重覆發生,只是很多人看不見。

      刪除