3331 維達國際 2018-12-31 全年業績

維達國際 (03331) 於中國及東南亞從事生產衛生紙產品及個人護理用品。Essity持有股份佔總股本51.98%和李朝旺及關連人士持有股份佔總股本22.91%是公司主要股東。

截至二零一八年十二月三十一日止年度之末期業績
http://www3.hkexnews.hk/listedco/listconews/sehk/2019/0131/LTN20190131026_C.pdf

集團2018年全年總收益增長10.3%，毛利上升4.7%，毛利率下降-1.52%至28.1%。公司權益持有人應佔溢利增加4.6%。每股基本盈利港幣0.5440元比對2017年上升3.4%，全年每股派息港幣0.20元增長5.3%。

但比對上平年收益同比增長16.3%，經營溢利增長30.1%，下半年增長明顯放緩。

如果撇除其他收入及損失－淨額，每股基本盈利同比上升19.6%。

維達國際主要收入來自以下分部：

1. 生活用紙產品佔本集團總收益的81.4% (2017年80.9%)，分部溢利佔總溢利85.5% (2017年90.0%)，分部溢利率8.0% (2017年8.3%)；
2. 個人護理產品佔本集團總收益的18.6% (2017年19.1%)，分部溢利佔總溢利14.5% (2017年10.0%)，分部溢利率5.9% (2017年3.9%)；
3. 雖然個人護理產品佔總收益比例還少，但毛利率提升有助盈利增加。

公司基本因素

看看五年營運數據，收入五年不斷上升，毛利率這兩年下跌，盈利大約持平，派息保持增加。管理層如果能夠增加派息，可能更能吸引投資者。

從以上五年財務比率，股東回報率及邊際利潤率只有單位數，而且持續下跌。淨負債/股東權益及流動比率沒有多大變化，只有現金流比較強勁。雖然回報不太高，但行業相對穩定。

FORS 由上一年度7分上升到今年度8分，業業務輕微改善，但淨負債/股東權益及流動比率輕微轉差，所以只是持平。

股票估值

上一篇文章 3331 維達國際 2018-09-30 第三季業績 估算2018年營業額增長15%到155億，以波幅預計市場以0.82-1.25倍 P/S 交易，估值上下限便是 $10.66-16.25。結果全年收入只增長10.3%，因為下半年增長放緩。

2018年股價高低$10.96-16.26，低位$10.96是在10月份，高位$16.26是在1月份，由年初跌到年尾，P/S 0.88-1.31倍。以2013-2017五年平均 P/S 1.12-1.66倍，估值向下調整。上篇文章當時10月股價大約$11.52，之後下跌到全年低位$10.96，跟估值下限差一點。

但如果以年初 3331 維達國際 2017-12-31 全年業績 估算，在$13.98持有第一注，然後在 3331 維達國際 2018-06-30 中期業績 付合預期分段再加注，雖然股價全年下跌，但現在也有正回報。

管理層預計2019年度產能只增加30000噸即2.6%，雖然產品持續提價，而管理層預計木漿價格有望平穩。但保守估計2019年度收入增長10%至164億，而盈利增加5%至$0.5712。

如果市場以去年 0.88-1.31倍 P/S 交易，預計估值上下限便是$12.08-17.98，現價大約$13.64，預期 P/S 0.99倍，在估值中間偏下位置。

如果以五年平均 20.7-27.9倍 P/E 計算，估值上下限便是$11.82-15.94，現價預期 P/E 23.9倍，在估值中間偏下位置。

從以上五年週線圖，由2016年股價橫行至今差不多三年，只要業績持續做好，突破只是遲早問題。五年高低平均波幅1.48倍，去年波幅1.52倍。假設今年低位$11.98已見，以波幅計向上目標價$17.7。

(權益披露: 筆者於執筆時持有上述股票相關權益，但不排除隨時減持)

1161 奧思集團 2018-09-30 全年業績

奧思集團 (01161) 主要於香港、澳門、台灣、新加坡及中國內地從事分銷護膚品以及於香港及中國內地經營美容院、水療及醫學美容中心。余麗絲、余麗珠及家族成員、黎燕玲是主要股東，分别持有股份佔總股本24.45%、22.86%、22.86%。

截至二零一八年九月三十日止年度之全年業績公告
http://www3.hkexnews.hk/listedco/listconews/SEHK/2018/1214/LTN20181214975_C.pdf

集團2017/18財政年度營業額較去年增加9.85%，息稅折舊前利潤較去年增加29.2%，息稅折舊前利潤率18.7%同比增加2.81%。本年度溢利同比增加37.4%，但環比下跌-42.7%。每股基本盈利港幣0.128元比對上一年度增加40.7%。末期股息每股港幣0.055元，全年股息港幣0.085元同比增加6.25%。

奧思集團2017/18年度按營運分類劃分之營業額及業績分析如下：

以上數據有幾點可留意：

1. 零售分類 - 佔總收入20.8%較上年度增長4.9%，而佔總分類業績21.3%同比增加10.4%，分類業績率27.1%增加1.28%。期内經營零售店舖16間，比對上一年度減少了1間H2O+銷售點及增加了2間Glycel店舖。
2. 服務分類 - 為最大銷售及業績分部，佔總收入79.2%較上年度增長11.2%，而佔總分類業績78.7%同比增加29.0%，分類業績率26.4%增加3.6%。期内經營美容中心共39間同上年度一樣。
3. 雖然收入及業績有所增長，但因為沒有開拓新美容中心所以增長只是一般。因此年初的强勁增長，不能持久。

公司基本因素

看看五年營運數據，收入五年來有升有跌，不太肯定2018/19年度，能否保持增長。如果以2017/18下半年收入及幅盈倒退，增長未必能延續。不過息稅折舊前利潤率持續改善有利盈利增加。

從以上五年財務比率，股東回報率及邊際利潤率持續改善，但淨負債/股東權益不斷擴大及速動比率下降可能要主意，原因是預收款項不斷增加。偉哥投資手札 對這方面有詳細解釋，可以參考一下。

反而投資者可能更關心股息能否增長，以2017/18年度派息比率只有66.4%，就算今年增長放緩，以之前派息比率可達90%以上，相信管理層會維持派高息。

美容看似是一個很容易賺錢的行業，但以香港上市的美容公司，除了必瘦站(1830) 其餘的業績其實只是一般。而且我們要了解一下美容行業的營運模式，因為以銷售套票形式營運，客戶購買了套票之後，可能有一段時間不再需要購買，所以行業有很大週期性。而通常銷售增加的一年可能是有新店舖吸引新客户，或是有新科技、 新療程吸引現有客戶購買新套票。

FORS 由上一年度12分下跌到今年度9分，下跌主要是負債增加及每股賬面資產淨值減少。而5年 FORS 有升有跌，引證行業的週期性。

股票估值

上一篇文章 1161 奧思集團 2017-09-30 全年業績 保守預計2017/18年度每股盈利有50%升幅到$0.1365，預計市場會以7.0-15.0倍 P/E 交易，估值上下限便是$0.96-2.05。因為盈利下半年大幅倒退，所以預估有些差距。

2018年股價高低$0.79-1.40，低位$0.79是在3月份，高位$1.40是在5月份，上升週期非常短，P/E 6.2-10.9倍。以2013-2017五年平均 P/E 7.1-14.9倍，估值向下調整。上篇文章當時7月股價大約$1.04，之後隨大市下跌到$0.88，如果在股值下限$0.96持有，業績公佈前曾經上升到$1.33，上升了38.5%。但因為下半年盈利大幅差於預期，所以業績公佈之後裂口下跌至大約$1.00水平。

今個年度盈利估算非常困難，管理層在展望中也沒有方向。以行業的週期性，保守估計2018/19年度每股盈利下跌10%，即是大約$0.1152，而派息維持不變。如果市場以五年平均7.1-14.9倍 P/E 交易，估值上下限便是$0.82-1.72，現價大約$0.99，預期 P/E 8.6倍，在估值偏下位置。

如果以五年平均息率5.91-12.2厘計算，估值上下限便是$0.70-1.44，現價預期週息率大約8.6厘，在估值中間偏下位置。

從以上五年週線圖，由2014年股價只是呈現大型上落市走勢，上下波幅十分大，平均每年波幅2.1倍，去年波幅1.75倍。除非有利好消息，以之前的走勢，股價可能要經歷頗長的整固期，而輾轉下跌到更低位的機會比短期上升的機會為大。注意除淨日在2月26日，之後可能股價有所調整。但因為息率高，下跌到低位時會有一定的值博率。

(權益披露: 筆者於執筆時持有上述股票相關權益，但不排除隨時減持)

分享最近兩件不平事

網誌上一個月沒有出過文章，因為沒有業績公佈要跟進，不過可能有但我miss咗也不一定。

市況一向都唔會評論，因為我嘅投資心得係放喺個別股份嘅業績，如果關注市況，當個別股份機會來到，其實係會唔敢作出決定去投資。

最近其中一個例子係 0386 中國石油化工，連跌了9日，油價不斷下跌，新聞全面看淡。當所有人也不看好的時候，但又跌到自己之前計算的下限，如果看新聞是不會買入的。但如果只跟據自己的計劃，等多兩日沒冇再跌穿低位的時候在 $5.44 買了一些，現在便有11%以上回報。

因為得閑，最近去多了旅行，旅行之後想寫一個 blog，怕自己唔記得去過邊。網誌 travelnotaboo.blogspot.com，有興趣可以睇下，但暫時只得幾篇文章同好簡陋。

講返最近兩件不平事，其實都是關於旅行。

第一件不平事

自己好鍾意浸溫泉，所以每年一到冬天就會去台灣浸溫泉，去台灣唔去日本，因為日本好多假溫泉，台灣相對真好多。今年發現咗廣東省旅遊協會及廣東溫泉行業協會出了一個真溫泉名單 http://www.gdhotspring.com/newsinfo/277842.html，所以就開始去搵下旅行社有做廣東省團，因為報團平過自己去，只要有足夠時間在酒店就可以。初次參加永x諗住大公司穩陣，點知食住質素好差， 貨不對版同單張寫有出入。之後同團友傾起發現有一間叫 達x旅遊美x之旅 ，參加咗一次，食、住、導遊、安排都非常之好。搵返呢間公司嘅歷史，原來之前佢係第一間做純玩團，即係旅行團唔需要去購物點。因為當時捉正了多數人唔想比遊行社賣豬仔的心態，發展得好快，幾年前每個星期六可以有百幾二百團出發。

但係做得旺，當然有人抄，而家可能有二十間以上做類似生意的旅行社。雖然其他冇達x咁好，但因為價錢平少少，所以搶了很多生意。聽導遊講，由高峰二百幾個導遊，到而家得返50幾個，即係生意得返四分一。

其中一間叫 匯x旅遊，完全抄襲 達x旅遊 營運模式，連個網站都差不多。上個月第一次試報團，分社和熱線啲人已經唔係幾 pro，問咩都唔係幾知。但有間溫泉酒店只有佢做，便報了一個團，銀行過數比哂錢。之後有個人打嚟話宣傳單張寫的房型冇哂，要改子母床房。我啱啱報名前都冇話冇房，一比完錢就話冇。咁我問佢子母床即係幾大？初時話唔知，後來又話一張3尺、一張4尺，我怕到時比張3尺x4尺床未死得，佢重要我 confirm，話 confirm 咗冇得改。我梗係唔搏，話要退返錢。跟住佢話好呀，但係要十日。我就同佢理論，畀錢就要即刻，退錢就要十日，而家銀行轉數快即時都收到啦，跟著佢冇理我就收咗線。

我再打去熱線，第二個講又唔同，又話子母房可能係3尺+5尺床，咁我問佢張床幾長，佢又唔知(其實向酒店 confirm 清楚，先同客講有幾難)。跟住佢話如果我唔想等10日，可以下午2:00後去分行攞返錢，咁我就話第二日去。第二日特登十二點幾早啲去，個小姐 confirm 2:00後有錢攞。咁就走去食嘢，點知轉頭個小姐打嚟話財務部已經退咗錢，所以今日畀唔到我。佢咁講我都冇辨法，只有等。等了10日，都冇收到，再打去，個小姐話查下，轉頭打畀我，我就話無論點我今日到你分行攞。之後有個好吋的小姐打比我，話財務唔記得咗，會聽日寫支票退返畀我。我話唔好啦，我今日到你分行攞，跟住佢話分行係冇得退錢，我話之前又話有，而家又話冇，分明玩嘢啦，咁我去報警。跟住佢好吋咁話好呀，你去報啦，就收咗線。

當我換衫預備出去分行同佢理論，另一個好聲好氣的小姐打來。首先講了姓咩，話幫我跟緊單嘢，有咩可以搵佢，叫我等多一日。我見佢好聲氣就等多日，之後第二日先收返錢。但係咁嘅公司就越做越大，反而達x就越做越小。

其實講得咁詳細，係想講經濟學嘅劣幣驅逐良幣。以公司來説，有好多時一間好公司都冇一間差公司咁好生意，最後好多好公司更加倒閉、做唔住，其實點解呢？我自己認為是人性的缺點，大部份人對分辨好壞的能力其實好低，而且記性好差。以上例子，當大部份人選擇旅行團時，只會看到價錢和單張上的描述，而忽略了這間公司是否真的誠實可靠。而就算今次選擇錯了，下一次也只會隨從同一模式選擇。當好多人係咁樣選擇，只要 Marketing 做得好的公司，就會有生意做。而且惡性循環下，公司把精力放在 Marketing 上，而唔係將產品或服務上做好。 久而久之，剩下可以選擇的公司，質素都是比較差的。

但係咁樣就令到我哋擇選公司投資時非常困難，非常多經驗話比我哋知，選擇了一間好公司，股價不單止不太上升，可能還不斷下跌。但一間唔好的公司股價反而不斷上升，其實股價最終是反影業績，但好公司不一定業績好，差公司也不一定業績差。反而如果以業績來決定公司好壞，業績好就是好公司，業績差就是差公司為準側，擇選可能更加簡單。

第二件不平事

話説想寫個旅遊 blog，就去各大論壇睇下，想去分享下。點知原來香港人咁鍾意去旅遊，但香港連一個正經一點的旅遊論壇也沒有。怪不得我平時自由行 search 資料，大部份 search 到都係台灣 blog 及論壇。

見到香x討論區 dixcuxx.com.hk 叫做有分到世界不同地方做子論壇，所以就註册試 post 咗一篇，怎知第二日就比版主扣分，話我違規，鎖咗我個 account。原因話我文章連結到其他論壇或接觸途徑，但我篇文章只連結到個 blog，沒有其他，我見其他 post 也有，但又冇嘢。

問客服，叫我去違規會員專區申請返個 account。我申請咗，版主就要我承認違規才開返 account 比我。我就話你個版規是文章不可連結到其他論壇及商業網站，我都冇連結其他論壇，你叫我點認。如果連結個 blog 就係接觸，點解其他人又得？個版主冇理我就叫我開新 account 去投訴，close 理我個申請。

我只有再向客服投訴，但我相信唔會有什麼分別，雖然香x討論區話歡迎接受意見。

最唔明白香港人唔係時時話要公平、公開、公正咩，點解自認為香港人嘅論壇好似國內咁，用莫須有，強加罪名，又唔解釋，重要人承認錯誤，差在未要求寫悔過書，先至比人開 account 討論，究竟而家香港點解變成咁？

我主要分享遊旅經驗，寫過 blog 嘅都知每篇文章其實要好多時間寫，又要加相加 movie，無可能用論壇個新文章格寫到。而且當然有時會有其他網站 hyperlink，但居然這些文章會比人 block。反而個啲廢話文章或是轉貼文就充積係論壇，怪不得香港人水準越來越差，沒有分析能力，是非不分。因為每日睇嘅嘢都只係流水式短文，冇深度。

個版主叫我再開新 account，其實正正反影有 account 嘅人對自已言論唔使負責任，因為隨時可以開新 account 改過另一個名。

好耐冇去討論區，估唔到而家會係咁，真係同社會脫節。

這幾年香港給其他地方追過，自怨自艾，其實都是人的問題，不是制度或其他原因， 究竟香港人幾時先會反醒得到？

(唔好意思，廢噏了一篇文章，如果你有耐心睇完， 真係好衷心多謝你😅)