2019年1月10日 星期四

分享最近兩件不平事


網誌上一個月沒有出過文章,因為沒有業績公佈要跟進,不過可能有但我miss咗也不一定。

市況一向都唔會評論,因為我嘅投資心得係放喺個別股份嘅業績,如果關注市況,當個別股份機會來到,其實係會唔敢作出決定去投資。

最近其中一個例子係 0386 中國石油化工,連跌了9日,油價不斷下跌,新聞全面看淡。當所有人也不看好的時候,但又跌到自己之前計算的下限,如果看新聞是不會買入的。但如果只跟據自己的計劃,等多兩日沒冇再跌穿低位的時候在 $5.44 買了一些,現在便有11%以上回報。

因為得閑,最近去多了旅行,旅行之後想寫一個 blog,怕自己唔記得去過邊。網誌 travelnotaboo.blogspot.com,有興趣可以睇下,但暫時只得幾篇文章同好簡陋。

講返最近兩件不平事,其實都是關於旅行。

第一件不平事


自己好鍾意浸溫泉,所以每年一到冬天就會去台灣浸溫泉,去台灣唔去日本,因為日本好多假溫泉,台灣相對真好多。今年發現咗廣東省旅遊協會及廣東溫泉行業協會出了一個真溫泉名單 http://www.gdhotspring.com/newsinfo/277842.html,所以就開始去搵下旅行社有做廣東省團,因為報團平過自己去,只要有足夠時間在酒店就可以。初次參加永x諗住大公司穩陣,點知食住質素好差, 貨不對版同單張寫有出入。之後同團友傾起發現有一間叫 達x旅遊美x之旅 ,參加咗一次,食、住、導遊、安排都非常之好。搵返呢間公司嘅歷史,原來之前佢係第一間做純玩團,即係旅行團唔需要去購物點。因為當時捉正了多數人唔想比遊行社賣豬仔的心態,發展得好快,幾年前每個星期六可以有百幾二百團出發。

但係做得旺,當然有人抄,而家可能有二十間以上做類似生意的旅行社。雖然其他冇達x咁好,但因為價錢平少少,所以搶了很多生意。聽導遊講,由高峰二百幾個導遊,到而家得返50幾個,即係生意得返四分一。

其中一間叫 匯x旅遊,完全抄襲 達x旅遊 營運模式,連個網站都差不多。上個月第一次試報團,分社和熱線啲人已經唔係幾 pro,問咩都唔係幾知。但有間溫泉酒店只有佢做,便報了一個團,銀行過數比哂錢。之後有個人打嚟話宣傳單張寫的房型冇哂,要改子母床房。我啱啱報名前都冇話冇房,一比完錢就話冇。咁我問佢子母床即係幾大?初時話唔知,後來又話一張3尺、一張4尺,我怕到時比張3尺x4尺床未死得,佢重要我 confirm,話 confirm 咗冇得改。我梗係唔搏,話要退返錢。跟住佢話好呀,但係要十日。我就同佢理論,畀錢就要即刻,退錢就要十日,而家銀行轉數快即時都收到啦,跟著佢冇理我就收咗線。

我再打去熱線,第二個講又唔同,又話子母房可能係3尺+5尺床,咁我問佢張床幾長,佢又唔知(其實向酒店 confirm 清楚,先同客講有幾難)。跟住佢話如果我唔想等10日,可以下午2:00後去分行攞返錢,咁我就話第二日去。第二日特登十二點幾早啲去,個小姐 confirm 2:00後有錢攞。咁就走去食嘢,點知轉頭個小姐打嚟話財務部已經退咗錢,所以今日畀唔到我。佢咁講我都冇辨法,只有等。等了10日,都冇收到,再打去,個小姐話查下,轉頭打畀我,我就話無論點我今日到你分行攞。之後有個好吋的小姐打比我,話財務唔記得咗,會聽日寫支票退返畀我。我話唔好啦,我今日到你分行攞,跟住佢話分行係冇得退錢,我話之前又話有,而家又話冇,分明玩嘢啦,咁我去報警。跟住佢好吋咁話好呀,你去報啦,就收咗線。

當我換衫預備出去分行同佢理論,另一個好聲好氣的小姐打來。首先講了姓咩,話幫我跟緊單嘢,有咩可以搵佢,叫我等多一日。我見佢好聲氣就等多日,之後第二日先收返錢。但係咁嘅公司就越做越大,反而達x就越做越小。

其實講得咁詳細,係想講經濟學嘅劣幣驅逐良幣。以公司來説,有好多時一間好公司都冇一間差公司咁好生意,最後好多好公司更加倒閉、做唔住,其實點解呢?我自己認為是人性的缺點,大部份人對分辨好壞的能力其實好低,而且記性好差。以上例子,當大部份人選擇旅行團時,只會看到價錢和單張上的描述,而忽略了這間公司是否真的誠實可靠。而就算今次選擇錯了,下一次也只會隨從同一模式選擇。當好多人係咁樣選擇,只要 Marketing 做得好的公司,就會有生意做。而且惡性循環下,公司把精力放在 Marketing 上,而唔係將產品或服務上做好。 久而久之,剩下可以選擇的公司,質素都是比較差的。

但係咁樣就令到我哋擇選公司投資時非常困難,非常多經驗話比我哋知,選擇了一間好公司,股價不單止不太上升,可能還不斷下跌。但一間唔好的公司股價反而不斷上升,其實股價最終是反影業績,但好公司不一定業績好,差公司也不一定業績差。反而如果以業績來決定公司好壞,業績好就是好公司,業績差就是差公司為準側,擇選可能更加簡單。

第二件不平事


話説想寫個旅遊 blog,就去各大論壇睇下,想去分享下。點知原來香港人咁鍾意去旅遊,但香港連一個正經一點的旅遊論壇也沒有。怪不得我平時自由行 search 資料,大部份 search 到都係台灣 blog 及論壇。

見到香x討論區 dixcuxx.com.hk 叫做有分到世界不同地方做子論壇,所以就註册試 post 咗一篇,怎知第二日就比版主扣分,話我違規,鎖咗我個 account。原因話我文章連結到其他論壇或接觸途徑,但我篇文章只連結到個 blog,沒有其他,我見其他 post 也有,但又冇嘢。

問客服,叫我去違規會員專區申請返個 account。我申請咗,版主就要我承認違規才開返 account 比我。我就話你個版規是文章不可連結到其他論壇及商業網站,我都冇連結其他論壇,你叫我點認。如果連結個 blog 就係接觸,點解其他人又得?個版主冇理我就叫我開新 account 去投訴,close 理我個申請。

我只有再向客服投訴,但我相信唔會有什麼分別,雖然香x討論區話歡迎接受意見。

最唔明白香港人唔係時時話要公平、公開、公正咩,點解自認為香港人嘅論壇好似國內咁,用莫須有,強加罪名,又唔解釋,重要人承認錯誤,差在未要求寫悔過書,先至比人開 account 討論,究竟而家香港點解變成咁?

我主要分享遊旅經驗,寫過 blog 嘅都知每篇文章其實要好多時間寫,又要加相加 movie,無可能用論壇個新文章格寫到。而且當然有時會有其他網站 hyperlink,但居然這些文章會比人 block。反而個啲廢話文章或是轉貼文就充積係論壇,怪不得香港人水準越來越差,沒有分析能力,是非不分。因為每日睇嘅嘢都只係流水式短文,冇深度。

個版主叫我再開新 account,其實正正反影有 account 嘅人對自已言論唔使負責任,因為隨時可以開新 account 改過另一個名。

好耐冇去討論區,估唔到而家會係咁,真係同社會脫節。

這幾年香港給其他地方追過,自怨自艾,其實都是人的問題,不是制度或其他原因, 究竟香港人幾時先會反醒得到?

(唔好意思,廢噏了一篇文章,如果你有耐心睇完, 真係好衷心多謝你😅)

2018年11月30日 星期五

3606 福耀玻璃 2018-09-30 第三季業績


福耀玻璃 (03606) 2018年第三季度報告 
http://www3.hkexnews.hk/listedco/listconews/SEHK/2018/1025/LTN20181025484_C.pdf

主要財務數據

集團2018年1-9月營業收入較去年同期增長12.9%毛利較去年加12.6%,毛利率42.7%同比減少-0.12%。公司股東的淨利潤加52.2%,基本每股收益人民幣1.30元同比加53.0%,股東權益比對2017年末加8.4%,不派發季度股息同去年一樣。

福耀玻璃損益表裡包括了其他利得/(損失)-淨額包括了匯兌利得/(損失)-淨額、衍生金融工具公平值變動等,如果撇除以上項目,但沒有調整所產生的遞延稅項,1-9月淨利大約人民幣26.36億,每股盈利大約人民幣1.0512元同比增長30.4%。

公司基本因素


2018年1-9月財務比率全面做好,股東權益回報率、邊際利潤率及總資產回報率上升。流動比率增加,淨負債/股東權益減少。

FORS 由2018年上半年7分上升到11分,因為營業收入及毛利持續增長。

股票估值


一篇文章 3606 福耀玻璃 2018-06-30 中期業績 預計2018年每股盈利增加13%到$1.6934, 以波幅預計市場以13.8-20.7倍 P/E 交易,估值上下限便是 $23.4-35.0。以九個月業績加上人民幣貶值,全年可能跟預估差不多。

暫時今年股價高低$21.80-$35.00,低位$21.80是在10月份高位$35.00是在1月份預期 P/E 12.8-20.7倍上篇文章當時8月股價大約$25.50,之後輾轉下跌到暫時今年低位$21.80。如果在股值下限$23.40持有,中間收取了中期股息每股港幣0.45531元,現價連股息差距5.2%。

現價大約$24.15,預期 P/E 14.3倍,如果今年高低位已見現價在估值偏置 。

延伸閱讀:
3606 福耀玻璃 2017-12-31 全年業績

(權益披露: 筆者於執筆時並未持有上述股票,但不排除將來會否持有上述股票相關權益)

3888 金山軟件 2018-09-30 第三季業績


金山軟件 (03888) 截至二零一八年九月三十日止三個月業績公告
http://www3.hkexnews.hk/listedco/listconews/SEHK/2018/1112/LTN20181112390_C.pdf


集團2018年1-9月收益較去年同期增長9.1%毛利較去年減少-11.7%,毛利率47.8%同比減少-11.3%。公司擁有人應佔溢利減少-78.0%,每股基本盈利人民幣0.1212元同比減少-78.2%股東權益比對2017年增加4.5%,不派發季度股息同去年一樣。

金山軟件業績裡包括了其他虧損,淨額及上年度非持續經營業務本期溢利,如果撇除以上項目,但沒有調整所產生的遞延稅項,2018年1-9月淨利大約人民幣242.94百萬元比對去年同期人民幣591.63百萬元減少-58.9%。而每股基本盈利大約人民幣0.1786元同比減少-60.9%。

公司基本因素


2018年1-9月財務比率普偏轉差,股東權益回報率、邊際利潤率及總資產回報率減少。現金流減少,但淨負債/股東權益輕微增加

FORS 保持同2018年上半年一様7分,業務還未有好轉。

股票估值


一篇文章 3888 金山軟件 2018-06-30 中期業績 預計2018年每股盈利減少30%到$0.5416,五年平均 P/E 大約22.0-44.5倍估值上下限便是$11.90-24.10。以九個月業績加上人民幣貶值,全年盈利比較難估計,暫時下調每股盈利至全年減少60%到$0.3095

暫時今年股價高低$10.06-$31.10,低位$10.06是在10月份高位$31.10是在3月份預期 P/E 32.5-100.5倍上篇文章當時8月股價大約$15.50,在估值中間偏下位置,之後輾轉下跌到暫時今年位$10.06。
如果在股值下限$11.90持有,現價差距11.1%。

現價大約$13.22,預期 P/E 42.7倍,如果今年高低位已見現價在估值置 。但因為盈利不穩定,投資的時候要注意。

延伸閱讀:
3888 金山軟件 2017-12-31 全年業績

(權益披露: 筆者於執筆時持有上述股票相關權益,但不排除隨時減持)

2018年11月29日 星期四

3998 波司登 2018-09-30 中期業績


波司登 (03998) 截至2018年9月30日止六個月之中期業績
http://www3.hkexnews.hk/listedco/listconews/sehk/2018/1129/LTN20181129926_C.pdf


集團2018/19財政年度半年收入較去年同期增長16.4%,毛利較去年增加22.5%,毛利率42.3%同比上升2.1%。公司權益持有人應佔溢利較上一個財政年度增加43.9%每股基本盈利人民幣0.0238元同比增加44.3%分派中期股息每股港幣0.0200同比增加33.3%。

公司基本因素


2018/19財政年度上半年財務比率普通做好,股東權益回報率、邊際利潤率、總資產回報率上升。速動比率持平,但淨負債/股東權益增加。

FORS 由2017/18年度9分上升到2018/19年度上半年的10分,有注意價值。

股票估值


上一篇文章 3998 波司登 2018-03-31 全年業績 預計2018/19年度每股盈利有30%升幅到$0.0945,以五年平均 P/E 10.7-21.0倍,估值上下限便是$1.01-1.98以上半年業績,全年應該可以達到。

暫時今個財政年度股價高低$0.730-1.440,低位$0.730是在4月份,高位$1.440是在11月份,預期 P/E 7.7-15.2倍上篇文章當時7月股價大約$1.14,在當時估值偏下位置。如果大約在股值下限$1.01持有,中間收取了末期股息每股港幣0.06元,現價連股息差距39.6%。

現價大約$1.35,預期 P/E 14.3倍,如果今年低位已見,以波幅預計市場以7.7-14.7倍 P/E 交易,估值上下限便是 $0.73-1.39,現價在估值偏上位置。

(權益披露: 筆者於執筆時持有上述股票相關權益,但不排除隨時減持)