2022年6月17日星期五

茶是下一個貴州茅台?

本來這篇文章 post 係 吃貨無忌,不過其實同投資都有關,所以都 post 埋係到賣下廣告😅。
 
對於香港人,又其我哋啲炒鬼,好多時認識國內企業,都是因為有股炒,即係國內公司無論在香港、A 股或中概股上市,就會受香港人注意。
 
以國內消費股,最爆的當然是 600519 貴州茅台 ,曾經是 A 股市值最大的公司,股價長升長有。其他飲品股例如 0291 華潤啤酒、1876 百威亞太,還有 2319 蒙牛、伊莉等奶類股又或是 0322 康師傅都是香港人所熟悉的。當然見到佢哋啲產品都會買嚟試下,自己都鍾意就會對隻股票更有信心,起碼唔會畀人話買隻股都唔知買乜嘢🙄。

但茶葉呢?中國人那麼喜歡喝茶,為何好像沒有一間上市的茶企?

如果看銷售數字,國內 2021年白酒年銷售額約 5800 億,而茶葉大約有 3000 億。雖然差了一倍,但 3000 億也是一個天文數字,居然連一間像樣一點的上市公司也沒有就非常奇怪。

可能是茶的出現太過歷史悠久,對於品牌的建立,很難傳承下來。而茶的質素、做假也不是太大問題,那就不用勞煩阿爺去整頓🤭。所以人們對茶的認識止於品種及產地;即是龍井要西湖、普洱要雲南、白茶要福鼎、鐵觀音要安溪等等已經足夠。只要是那地方來的茶葉,是什麼名牌便不太重要。

而且正因為中國茶葉種類繁多,不像外國普遍是飲紅茶,而國內顧客又講求地道正宗,變成茶企大部份只是地區企業,很難靠創新産品打開全國市場。當然貴州茅台也是單一產品,但企業利用了飢餓營銷手法把產品做成缺貨現象,成功建立品牌突圍。但其他產品、品牌要學習相同模式相信不容易成功。

反而像喜茶這一類連鎖茶飲品牌比傳統售賣茶葉的企業更受歡迎,可能始終年輕人市場是比較容易開展。

香港上市的茶企之前也有一、兩間,但因為經營不善已經退市,淨下的可能只有 6868 天福,不過應該算是台灣茶企,而且也是喜茶這一類連鎖茶飲店。


A 股上市的暫時未有,而之前想做國內“茶葉第一股”的就是瀾滄古茶,不過最終失敗而回。之後不斷也有茶企嘗試,但都是失敗,看來 A 股審批相當嚴格。現在正在衝關的,就只剩中糧集團控股的中國茶葉即是中茶。

瀾滄古茶上市失敗後沒有放棄,最近改變策略,申請在港交所上市。

 
 
 
由上市文件看到茶葉行業其實是一個發展中行業,每年也有雙位數字增長。係上市之前,有冇興趣試下佢啲產品,睇下值唔值得抽新股?佢嘅王牌系列就係 001 景邁山古樹普洱生茶 及 0085 景邁山古樹普洱熟茶。因為品牌知名度提高,開始有供不應求,價格年年上升趨勢,現在大餅 357g 要賣到二千蚊以上。而景邁山已經申請了世界文化遺產項目,加上如果上市成功,品牌認受性會更加增加。不過雖然我好鍾意佢啲茶,但要成為另一個貴州茅台,相信都要有奇蹟出現,都係飲下佢啲茶算啦!不過股市嘅嘢,又好難講嘅😅!

我自己就喜歡佢嘅紫芽系列,有獨特香氣、滋味濃郁,而且含豐富花青素是最強抗氧化物。對於肝臟、眼部有明顯益處,我自己試咗就返唔到轉頭😋。
 
https://www.carousell.com.hk/p/1166798844

https://www.carousell.com.hk/p/1166798466

https://www.carousell.com.hk/p/1166866664

https://www.carousell.com.hk/p/1166866664

我的小賣部
 
如果覺得文章有用或值得支持,就請 like (like 的方法) 多啲啦!謝謝各位!   

2022年5月31日星期二

2022 年 5 月份交易回顧

估唔到港股 5 月份結算都算生性,通常結算日上升,搬倉會比較容易,因為莊家會願意一些開盤,唔使追價都好容易成交到。埋單 5 月份實現利潤 3%,仲以為會連續 3 個月負數,希望下半年可以有返好啲表現。

之前要救倉,大約有一大半已經返家鄉,還有一些繼續搬倉。除了搬倉,結算日沒有開新倉,因為之前反彈都沒有大量減倉,所以大市回調冇得加倉。因此今次結算又返彈到 19000-21000 區間上方,只有睇定啲。不過當沒有加倉,市況可能就會破位😅。

6 月份現有股票期權倉位如下:
 
0688 中國海外發展
0700 騰訊控股
1093 石藥集團
1336 新華保險
1810 小米集團-W
2600 中國鋁業
2601 中國太保
2800 盈富基金

除了 0688 新加了一些,其餘全部係由 5 月份搬倉到 6 月份,有些更是由 3 月份連續搬了 4 個月。不過如果今年一直有睇我的每月回顧,應該發現由 3 月份市況突然爆跌之後,要救的倉位越來越少。我所謂的救倉是要倉位打和或要有盈利才算是救到倉,輸少當贏也不算。

其實今次可算是完美地示範了做期權 SP 怎樣可以長期賺錢。只要每月市況維持係正常波幅,SP 期權贏面是非常之高。不過當持續贏錢,心態就會鬆懈,一旦市況逆轉、大波幅向下,如果事前沒有準備,就會一下子沒頂。但只要當市場恐慌,自己心不亂,沉著應戰,慢慢倉位就可救回,跟住又會有一段蜜月期。市況就是在這樣的情況來來回回,把握得到股市就是提款機,把握唔到就成為大鱷點心。

至於遠權還有一大堆如下:

0003 香港中華煤氣
0016 新鴻基地產
0017 新世界發展
0358 江西銅業股份
0700 騰訊控股
0753 中國國航
0968 信義光能 
0981 中芯國際
1044 恆安國際 
1093 石藥集團
1177 中國生物製藥
1336 新華保險
1810 小米集團-W 
1876 百威亞太 
2020 安踏體育
2202 萬科企業
2238 廣汽集團
2318 中國平安
2600 中國鋁業 
2601 中國太保
2800 盈富基金
9888 百度集團-S 
 
所以就算市況突破向上,也有大把貨食餬,而且好多已經捱了半年以上,近期 vHSI 縮返 30 以下,所以大部份有盈利,只是未食餬計數。

其餘短炒、中線交易就乏善足陳,不過之前撈的一些 0177、0270、0576 都叫有盈利,等收息之後才算。

如果覺得文章有用或值得支持,就請 like (like 的方法) 多啲啦!謝謝各位!  

2022年5月22日星期日

2022 年 5 月份美股期權交易回顧

星期五美股又結算,今年市況給投資者的感覺可能是不斷的 "吓!又奶嘢"。上個月以為來回地獄,又折返人間,就會有好日子過,點知原來未企穩又跌返落地獄。今個月美股期權埋單計輸 -0.35%,看情況就算到月尾香港結算應該都達不到每月 1-2% 回報的目標,即是連續 3 個月負增長。

有開倉的美股期權可分成三類:

  • 美股或美股類 ETF - ARKF, ARKX, BOTZ, DVAX, ICLN;

  • 中概股或中國 ETF - FXI, KWEB, MCHI;

  • 商品股 - GSG, IAU, SLV。

之前中概股奶嘢,經過這兩個月搬倉,已經救回大部份倉位。

美股 ETF 相關期權本來做得好好地,但今個月美股勁跌,差不多全部入哂價,結算唯有又搬倉。

到以為加些商品股期權平衡下,點知前幾個月市跌商品都升,但今個月市跌,佢哋都跌,雖然只做了很少,但都是要搬。

今年差不多過了半年,相信今年的成續都唔慌好,但做期權好多時就係等運到,所以謂有等......

如果覺得文章有用或值得支持,就請 like (like 的方法) 多啲啦!謝謝各位!  

2022年5月2日星期一

2022 年 4 月份交易回顧

港股從來都唔會生生性性,4 月份恆生指數,基本上由頭跌到尾,結算後埋單虧損 -0.8%,連續兩個月達唔到 2% 目標。

去年整年也是下跌趨勢,但大部份時間也可以達到目標,但今年操作明顯地比去年差了很多。4 種操作,沒有一種達到去年的水平,完全跟不上市場的脈搏。

第一類指數操作,科指持續弱勢,短抄非常困難,跌的時間長,反彈的時間少,一貪心唔食餬就由贏變輸。至於 2800 盈富基金,正股、期權操作還在摸索中,但期權莊家開價非常之差,好難開倉及平倉,希望再做多幾個月可以捉到莊家的脾性,現在繼續挨打中。

第二類期權交易,市差就難做,只有繼續做搬運工,希望虧損的倉位,早日返家鄉。今個月開了期權倉的股票如下:

0358 江西銅業股份
0700 騰訊控股
0753 中國國航
0968 信義光能
0981 中芯國際
1044 恆安國際
1093 石藥集團
1177 中國生物製藥
1336 新華保險
1810 小米集團-W
1876 百威亞太
2202 萬科企業
2238 廣汽集團
2318 中國平安
2600 中國鋁業
2601 中國太保
2800 盈富基金
9888 百度集團-S
 
主力在 0753 中國國航、1093 石藥集團、1177 中國生物製藥、1336 新華保險、1810 小米集團-W、2202 萬科企業、2238 廣汽集團、2601 中國太保、2800 盈富基金、9888 百度集團-S,其餘比重不大。

第三類中線交易當然是乏善足陳,之前買入的一些 Reits、地產股、高息 ETF 已經差不多全清。4 月份入了些 

0270 粵海投資
0177 江蘇寧滬高速
0576 浙江滬杭甬

之前公報業績派息也 ok,希望 5-6 月份可以收息兼賺價。

這幾個月打法跟去年最大分別是,去年是且戰且走,見好就食餬,因為知道大市未見底。但今年一早希望中期跌市已經完結,所以減倉總是慢兩拍,有餬唔食,怕市再升追唔返。但當市況不似預期再下跌的時候因為減倉唔夠,所以又不敢再加得太多倉位,雖然估計是大市在低位反覆,但心態上又不知道怎麼處理。總結下來始終是 money management 處理得不太好,太貪心,變成貪字得個貧,跟唔到大市走勢,只有希望之後幾個月可以慢慢調整返。

如果覺得文章有用或值得支持,就請 like (like 的方法) 多啲啦!謝謝各位!