2019年8月10日星期六

恒生指數高低重要嗎?


上次 Harrasy兄 留言他會在股票處於合理價位,恒指市盈率維持在 10 倍左右慢慢分注入市。很多股壇老手也會用這個準則去買入股票然後長期持有,長期回報非常可觀。

如果以每年陰陽燭看恒生指數,陽燭是先低後高,陰燭是先高後低,而每年波幅由 4000-8000 點不等,咁即是表示每年也會有一個相對低位入貨及一個相對高位出貨。坊間有很多人硏究恒指的波幅來炒賣衍生工具賺錢,但真係時時都捉得中,基本上一個都冇,咁去估恒指升到幾點或跌到幾點,又有什麼作用?

更不要說數浪、牛市、熊市這些理論,都唔明點解啲人咁鍾意用啲完全証明唔到啱嘅嘢嚟講,永遠都係得過噏字。講完唔啱,下次又講過,又唔中,又再講,但錯幾多次都依然有人聽,有人信,有人跟,總以為今次一定會中。當一個數據,發生機率沒有超過 68% 以上,基本上只是 random 模式,同擲公字冇分别。


以上是十年恒生指數高低波幅,我沒有用 2007-2009 年數據,因為當時大波幅是因為資金流動性問題,而 2008 年後各國大幅印銀紙,應該不會再出現同樣問題。

從以上數據每年上下高低由 4000-8000 點不等,平均大約 6600點。或可以分開大波幅的一年大約 8000 點,細波幅的一年大約 4000-5000 點。當然恒生指數基數越大,波幅點數相對應該增加。而波幅 % 由 20%-35% 不等,也可以説大波幅一年超過 30%以上,細波幅的一年大約 20%。還有通常大波幅之後波幅收窄機會比較大,而波幅收窄一兩年後又再次有大波幅。

暫時 2019 年恒生指數高低波幅 5383.25 點,因為暫時是陽燭,由低位計波幅 21.62%。數字比較尷尬,又似細波幅已經達到,但又似有更大波幅。如果波幅有 6000 點便會跌到大約 24000 點,8000 點便會跌到大約 22000 點,那麼有沒有可能呢?

如果以陰陽燭看,通常陰燭只持續一年,2008年也只是下跌一年,然後 2009 年已經回升。近期只有 2000-2002 年連續三年是陰燭,2003 年沙士反而是陽燭。而不約而同,幾次陰燭下跌的年份也是之前一年或兩年大升之後才出現。今次大升在 2016-2017 年,2018 年大跌了一年,那麼今年會收陰燭嗎?

今年開市位 25824.44,跟現價恒指差不多,餘下年尾只有大約四個半月,如果今年是陽燭,現在當然是機會。就算今年收陰獨,那麼下年是陽燭機會大,還是陰燭機會大?

每次大市下跌的時候,永遠感覺是漫長及絶望,問題總是看不到解決的方法,例如今次也不例外,但市場又總是在大家想不到的情況下慢慢回升。

寫了一大篇,那麼恒生指數現在是高定低有答案嗎?其實是冇的,所以才説指數的高低有什麼關係?而且指數升跌不代表個别股票的升跌,下次再看看彼此的關係。

4 則留言:

  1. 可以用mpf做實驗,跌1000點轉20%去恒生指數。🤣

    2800都可以慢慢收集

    回覆刪除
    回覆
    1. MPF 我又未諗過喎,諗一諗可能升 8000點開始轉保本,跌 4000點開始轉恒指,唔知得唔得。但我就開始做 2800 Short Put。

      刪除
  2. 呢篇幾有趣, 多謝無忌兄分享.

    回覆刪除