Short Put 股票期權突然被行使 - 0386 中國石油化工

初初做期權 SP 最怕就係期權入價被行使，如果是其他券商，股票戶口跟期權戶口係分開，就要入錢入股票戶口去接貨。IB 會好一點，因為所有戶口係同一個 account，如果之前有預留現金，接貨系統會自動扣除，如果係 margin account，就算户口不夠現金，只要 margin 未爆，系統會自動借錢去接貨。

如果期權入價被行使是在結算日，還可以有準備。但有時會無端端未到期就被行使，通常發生在 deep in the money 嘅期權，因為時間值已經沒有多少。又或是除息前後，特別容易被行使。因此如果唔想接貨，很多時期權入價就可能要考慮搬倉，如果入價超過 10% 就開始難處理。

上星期組合內的倉位 0386 中石化 2 張 12 月份行使價 $5.75 PUT 突然被行使，因為 IB 自動接貨，自己也沒有留意，今個星期才發現。接貨之後首先考慮想不想保留股票，如果想便不用理，又或是 SC 去減低接貨成本。

因為之前 $5.75 已經有倉位，所以今次決定不保留正股。在 $4.90 賣出正股，然後 SP 2020 年 9 月份行使價$5.75 PUT，收期權金 $1.12。Short 遠期的原因是行使價 deep in the money，只有遠期才有時間值，避免再被行使。至於行使價很多時有可能可以做低一格，咁返家鄉的機會更大。但今次只做返同一行使價，因為做了先發現下一格期權金也足夠 cover 正股所蝕。

另一個選擇是做返近價，但 short 的張數會加倍，好處是更容易升回行使價平倉走人，壞處是風險增加了，如果不幸地要接貨，就要預備更多現金。通常我都不會選擇這方法。除非是遠期沒有了之前的行使價，因為股價下跌，期權行使價會越出越低，才會考慮近價。

計一計數，之前期權金收 $0.40，所以接貨價 $5.35，賣出價 $4.90，即是蝕了 $0.45。新做 SP 收 $1.12 減去 $0.45，即是當期權金收縮到 $0.67，就可以補回賣出正股所蝕去的金額，如果計及所有交易費用，應該大約是 $0.63。通常這一些救倉倉位，返到家鄉就會平倉，之後再找機會做其他行使價。試過很多次，如果不平倉，之後又再跌回，然後又要再救倉，都有少少邪門。

心理上有些人會不願止蝕，想等正股升上接貨價才走人，好處是如果股票有息收，會加快返家鄉的時間，壞處是很多人 SP 時沒有想過接貨，所以未必有準備足夠現金，而且有時接貨是因為市況差，同一時間可能有幾個倉位要接貨，現金就會失去預算。

賣出正股再 SP 好處是不用 hold 住啲現金，而且由正股轉 SP，股價升跌一樣反影在期權倉位，只是 delta 關係升會升少咗，但跌也會跌少咗。如果因為市況差而接了很多貨，可以減少市況再下跌的賬面損失。壞處是如果正股有派息，股價要升更多才返到家鄉。還有因為越接近等價，時間值及 IV 轉變問題，有時正股升返行使價，但期權金未必收縮到可以平手平倉，變相返到家鄉但走唔甩。

坊間教期權通常都只係教你點做，講到期權幾咁容易賺錢，但奶咗嘢就唔知點樣做，或是又 long 又 short 救倉。我就覺得簡單就是美，越多腳，畀得越多差價跟手續費，最後又係同 IB 打工。記住只有 short，時間才是你的朋友。

(權益披露: 筆者於執筆時持有上述股票相關權益，但不排除隨時減持)