2020年3月12日星期四

VHSI 破 2015 年高位



今早 VHSI 爆升到 47.92 破了 2015 年高位 46.89,是 8 年以來的新高,當然相對 2008 年還有很大距離。市場非常恐慌,但如果想返 2015 年,可能已經不太記得當時怎樣,如果唔記得,那麼即是也不是太恐慌。對於做 Short 為主的投資者,通常只記得要撲水補倉,今次也不例外。

所以有經驗的投資者,不過份加大槓桿,預留資金為不時之需是一定的。每當身處其中,冷靜是非常重要,當 VHSI 大升,帳面的虧損只是帳面上,如果胡亂處理倉位,只會左一巴又一巴。因為 VHSI 大升,表示市場波幅大,正如近期市況,日升日跌,止蝕了就冇仇報,而且買賣差價非常寬。所以最好的應對方法就是等,等 VHSI 慢慢回復正常,才收拾這個爛攤子。

記住歷史話比我哋知,通常 VHSI 急升,只維持很短時間。至於對倉位輕的投資者,現在就不是恐懼的時候,而是興奮的搏殺時期。再想一想,如果現在有倉位,就想止蝕,但如果冇倉位,現在就會想加倉,那麼現在究竟是止蝕還是開倉的時候,就要自已想一想了?

12 則留言:

  1. 回覆
    1. 唔係呀!我日日有出文,唔係呢邊啫😅

      刪除
    2. 嗰邊我一直都有追,個心就係諗你專心做嗰啲,靜靜諗呢啲👍

      刪除
    3. 係呢邊冇眼睇,而飯就要日日食😂

      刪除
  2. 基本上我呢兩星期密密一見新聞話美股大跌幾多幾多,就閉起雙眼將MPF由保守基金轉去股票基金

    回覆刪除
    回覆
    1. 係呀,而家真係要閉起眼去做倉,買完,一年後先再睇。

      刪除
  3. 無忌兄,
    咁係VHSI跌時,就是轉勢之時呢,定係有可能繼續跌呢?仲諗住2017年跌完,唔會咁快又跌。

    回覆刪除
    回覆
    1. 今次真係黑天鵝,最估唔到係中國開始冇事,反而先跌得金。vhsi 升又快,跌又快,睇上面幅圖,好多時一個星期大陽燭爆升,之後幾個星期就回落,而指數可以是繼續下跌,牛皮或上升,已經沒有太大關係。但只要唔爆 IV,轉倉、搬倉也容易,margin 也 handle 得到。所以如果有倉,頂得到 margin,最好就是等。

      對於生手,其實今次爆 IV 係好好經驗,system 比你做 margin,如果做足,遇到咁嘅情況係死緊,所以為何要看 current available funds,還要有後備資金才頂得到。但當做 short 每年賺錢,而爆 IV 個年又頂得到,就可以長期賺到錢。

      刪除
    2. 多謝你的提示。美股大跌果日,因為爆Margin,IB自動幫我賣左D Bond。今日差少少又爆Margin,自己減左D槓桿低的大快活,今次又要交學費。見步行步,等vhsi 跌低過20,再看看有冇能力執倉。

      刪除
  4. 多謝無忌兄,又學到野。

    回覆刪除
  5. 一路跌跌跌,真係要睇反大時代。

    回覆刪除