2021年4月12日星期一

第二 round 全勝

估唔到咁快就完成第二 round,都係靠 7226 XL二南方恒科,其他正股只買了 1099 國藥集團,執咗少少。其餘期權仲係等運到,但全部也有微利。
 
7226 XL二南方恒科 日線圖

其實 7226 XL二南方恒科 每一 round 也只是幾日內完成,都只是低買、高賣。Round 1 在兩日跌市分段買入,之後 3 日就反彈了差不多 34% 波幅,但分段操作其實只賺到大約投入資金 10%。

Round 2 一樣在兩日跌市分段買入,今次返彈比較慢,6 日才反彈了 28%,但賺到的也是投入資金大約 10% 因為買入價位比較好啲。

整體策略都是跟返市場個 bit,跌個日就考慮買唔買,大陰燭就必買。升個日就考慮賣唔賣,大陽燭或裂口大幅高開必走。

當然如果策略是這樣在 round 0 的時候已經奶咗嘢,就算 round 1 及 2 勝了可能只係打過和。Well,問題在恆生科技指數長期是否會升,有冇得守?而且以暫時跌幅,每個 round 其實大約只用了 20% 整體資金。除非是股災級跌幅,有嬴有輸始終都會追得返。

7226 XL二南方恒科 波幅比較大,而且大市反彈一定跟得足,所以沒有了揀錯股的煩惱,也不需要分散投資,變成大市升但組合未必升的困局。還有啱啱發現原來 7226 XL二南方恒科 唔使比印花稅,更加減輕成本,增加回報。

一個月完成了兩個 round,如果每個月也有就好了,不過機會是要等的,第三 round 這兩日有機會嗎?

賺了錢,使咗先至係自己,唔係就永遠幫人哋袋住先,咁同家人食返餐飯就是最好選擇。


今次個湯頭唔錯,老一輩人股票賺到錢都鍾意魚翅撈飯,希望 7226 XL二南方恒科 可以帶比我每月一餐😅。


6 則留言:

  1. 回覆
    1. 失禮,如果真係捉得準,以波幅計應該每轉可以執 20%,我其實好多時都心急入又心急放,所以其實係做得好渣😅

      刪除
  2. 旗開得勝! 有錢賺,有好野食,like!

    回覆刪除