今早 IB 突然彈出個信息，有一個 2328 中國財險 SP 期權成交了，之後望一望中國財險股價，今日係升，就好奇怪為何期權會成交了，因爲我通常 set 定 SP 盤價位高啲，只有正股下跌， SP 期權金上漲才有機會成交。
 |
| 2328 |
看一看成交原來成交了 2020 年 6 月行使價 8.00 put，收期權金 $0.65，但昨天收市理論值才大約 $0.25。
看到的時候理論值跌回 $0.20，當然先平倉，即是咩嘢都冇做過就賺了 800 幾蚊，一餐晏仔。
開返今日個成交圖看看是什麼回事，原來今早成交了10 張，價錢由 $0.65-1.40。通常有成交都是因為有對家落錯盤，而剛好我放了一個 $0.65 的盤，所以就成交了，其餘 9 張是有幸運兒食了，還是莊家食了就不知道。因為如果幸運兒跟我一樣 $0.20 平了倉，即是賺了 9張*$1.20*2000股=$21600，咁容易就賺了兩萬幾。
我估計對家是想做遠期 deep in the money CALL，因為當時股價大約 $9.5，如果做行使價 $8.00，價內值 $1.50，set $1.40，可能想等運到。
通常噉嘅情形年中都會有幾次，不過暫時不用太開心，因為其實對家係可以同證券行投訴，攞返啲錢，噉我個 trade 就會 cancel，所以過咗今晚才知道賺唔賺到呢餐晏仔。
至於對家當然係好慘，但做得 10 張遠期 deep in the money CALL 應該都唔係新手，咁就不用太擔心了。
雖然明唔晒，不過都好羡慕。
回覆刪除就像合法地在街上拾了別人荷包一樣？
哈哈！你個比喻好好😂。
刪除無忌兄，
回覆刪除睇完呢篇文才知道自己原來一直做緊儍仔。因為我每次SP都是直出，沒有考慮過是否抵買。下次都係計下數Set定價等位買入好些。
做期權一定要認識及了解理論值，如果唔係唔知莊家開價合唔合理。
刪除無忌兄，
回覆刪除你意思是對家本來想做LC，但係落錯盤做左LP？
Yes, 好多 trading platform 都係一邊 call, 一邊 put. 我自己都時時本來想做 SP，撳錯邊變了 SC.
刪除去投訴好似要比3千幾蚊先cancel到
回覆刪除好似唔同卷商收費會有分別，而且有時限，過時就冇得追。
刪除原來落錯盤都有得投訴的? 又學到嘢了... (不過我呢啲小散戶，唔係秒秒鐘幾十萬上落的就會慢慢睇情先confirm order)
回覆刪除之前試過月尾有隻SP 未到價但俾人行使左，個心諗「點解要咁做? 你直接賣左個option 或者以市價賣咪賣仲好」
可能對家做 LP 的時候真係用嚟做正股對沖，噉股價跌咗落去，佢行使個期權比正股你，就唔使俾兩邊手續費。
刪除我曾經試過用一個超高價平左手上SC, 請問無忌兄如何向證券行投訴? 謝謝
回覆刪除通常都係馬上打電話去證券行叫佢幫你去港交所申請取消個交易，不過使費好似要幾千蚊，同埋要馬上申請，過咗時就冇得申請。
刪除上次對家輸了兩萬幾都冇申請。